அடிலெய்ட் டெஸ்ட்டில் இந்தியாவின் தோல்விக்கான முக்கிய காரணங்கள்

Indian Cricket Team Australia Cricket Team Travis Head

By Ragavan Dec 08, 2024 04:21 PM GMT

Ragavan

in கிரிக்கெட்

Report

அடிலெய்டு டெஸ்டில் அவுஸ்திரேலிய அணிக்கு எதிரான போட்டியில் இந்திய அணி 10 விக்கெட் வித்தியாசத்தில் படுதோல்வியடைந்தது.

பிங்க் பந்தில் விளையாடப்பட்ட இந்த பகல்-இரவு டெஸ்டில், இந்திய அணி பேட்டிங்-பந்துவீச்சு-பீல்டிங் என மூன்று துறைகளிலும் சிதறிக் காணப்பட்டது.

இரண்டரை நாட்கள் நீடித்த இந்த போட்டியில் இந்திய அணி 81 ஓவர்களில் 20 விக்கெட்டுகளை இழந்தது. இந்திய அணி முதல் இன்னிங்சில் 355 ஓட்டங்களும், அவுஸ்திரேலிய அணி 337 ஓட்டங்களும் எடுத்தன. மேலும் அவுஸ்திரேலிய அணி 10 விக்கெட்டுகளை மட்டுமே இழந்தது.

இரண்டாவது இன்னிங்சில் இந்திய அணி 30 ஓட்டங்களுக்கு மேல் பார்ட்னர்ஷிப் அமைக்காததே தோல்விக்கு முக்கிய காரணம் என கூறப்படுகிறது.

தோல்விக்கான காரணங்கள்

1- பிங்க் பந்தின் ஸ்விங் மற்றும் எக்ஸ்ட்ரா பவுன்ஸால் இந்திய பேட்ஸ்மேன்கள் தோற்கடிக்கப்பட்டனர்

India vs Australia, IND Vs AUS Adelaide Test, India defeat reasons

முதல் நாளில் பந்து 1.6 டிகிரி வரை ஸ்விங் ஆகிக் கொண்டிருந்தது. இந்நிலையில் முதல் நாள் ஆட்டத்தின் முதல் இரண்டு செஷன்களில் இந்திய அணி தடுமாறியது. டாஸ் வென்ற ரோகித் பேட்டிங்கை தேர்வு செய்தார்.

கேப்டன் ரோகித் ஷர்மா, கே.எல்.ராகுல், விராட் கோலி என அனுபவம் வாய்ந்த வீரர்கள் ஆட்டமிழந்தனர். கோலி, ராகுல் இருவரையும் மிட்செல் ஸ்டார்க் பெவிலியனுக்கு அனுப்பினார்.

ஆஃப் ஸ்டம்புக்கு வெளியே ஸ்விங் ஆன பவுன்ஸ் பந்தில் இந்திய பேட்ஸ்மேன்கள் கேட்ச் ஆனார்கள். பிங்க் பந்தின் கூடுதல் ஸ்விங் மற்றும் பவுன்ஸை மற்ற பேட்ஸ்மேன்களால் சமாளிக்க முடியவில்லை. ஒரு நேரத்தில் இந்தியாவின் எண்ணிக்கை 71/1 ஆக இருந்தது. அடுத்த 10 ஓட்டங்களில் ராகுல், விராட், கில் ஆகியோரின் விக்கெட்டுகளை இழந்தார்.

2- ஜஸ்பிரீத் பும்ரா - பந்துவீச்சில் சரியான முடிவெடுக்க தவறிய கேப்டன் ரோஹித்

India vs Australia, IND Vs AUS Adelaide Test, India defeat reasons

இந்திய பந்துவீச்சு தாக்குதலில் ஜஸ்பிரீத் பும்ரா மட்டுமே திறமையான வீரர் என்பதை நிரூபித்தார். முதல் இன்னிங்ஸில் 4 விக்கெட்டுகளை வீழ்த்திய அவர், தனது துல்லியமான பந்துவீச்சால் அவுஸ்திரேலிய பேட்ஸ்மேன்களை திணறடித்தார்.

இருப்பினும், கேப்டன் ரோஹித் சரியான நேரத்தில் தனது ஸ்பெல்லை தொடரவில்லை. இரண்டாம் நாள் ஆட்டத்தின் முதல் செஷனில் பும்ரா 2 விக்கெட்டுகளை விரைவாக வீழ்த்தினார், ஆனால் அவர் 4 ஓவர்கள் மட்டுமே வீச அனுமதிக்கப்பட்டார். மறுபுறம் ஹர்ஷித் ராணா ரன்களை விட்டுக் கொடுத்துக் கொண்டே இருந்தார்.

3- அண்டர் லைட் கண்டிஷனில் விளையாடத் தவறியது

India vs Australia, IND Vs AUS Adelaide Test, India defeat reasons

சனிக்கிழமை இந்திய பேட்ஸ்மேன்கள் கிரீஸில் இருந்தனர், ஆனால் இரண்டாவது இன்னிங்ஸின் அண்டர் லைட் நிலையில் இந்திய பேட்ஸ்மேன்கள் விளையாடத் தவறிவிட்டனர்.

இரண்டாம் நாள் ஆட்ட நேர முடிவில் இந்திய அணி 5 விக்கெட் இழப்புக்கு 128 ஓட்டங்கள் எடுத்திருந்தது. தொடக்க வீரர் கே.எல்.ராகுல் 7, விராட் கோலி 11, ரோகித் சர்மா 6 ரன்கள் எடுத்தனர். இந்த முறை பாட் கம்மின்ஸ் மற்றும் ஸ்காட் போலண்ட் தலா 2 விக்கெட்டுகளை வீழ்த்தினர்.

4- இரண்டு முறை தவறவிடப்பட்ட டிராவிஸ் ஹெட் கேட்ச்கள்

இரண்டு முறை டிராவிஸ் ஹெட் கேட்ச்கள் தவறவிடப்பட்டது, இதனால் அவர் 65 ஓட்டங்கள் அதிகம் எடுத்தார்.

முதல் முறை முகமது சிராஜ் கேட்ச்சை தவறவிட்டார். பின்னர் அவர் 75 ஓட்டங்கள் எடுத்து விளையாடிக் கொண்டிருந்த போது, ஹர்ஷித் ராணா வீசிய பந்தில் விக்கெட் கீப்பர் ரிஷப் பண்ட்டால் கேட்ச் பிடிக்க முடியவில்லை.

பின்னர் டிராவிஸ் ஹெட் 140 ஓட்டங்கள் எடுத்தார். இவரது அதிரடி ஆட்டத்தால் அவுஸ்திரேலிய அணி 337 ஓட்டங்கள் குவித்து அந்த அணி 157 ஓட்டங்கள் முன்னிலை பெற்றது. இரண்டாம் நாள் ஆட்டத்தின் முதல் இரண்டு செஷன்களில் அவுஸ்திரேலிய அணி 251 ஓட்டங்கள் எடுத்திருந்தது.