லங்காசிறி FM
7வது முறையாக T20 உலக கிண்ணத்தை வென்ற அவுஸ்திரேலிய மகளிர் அணி
இங்கிலாந்திற்கு எதிரான இறுதிப்போட்டியில், 7 விக்கெட் வித்தியாசத்தில் வெற்றி பெற்ற அவுஸ்திரேலிய அணி 2026 மகளிர் T20 உலகக் கிண்ணத்தை வென்றுள்ளது.
2026 மகளிர் T20 உலகக் கிண்ணம்
2026 மகளிர் T20 உலகக் கிண்ணம் கடந்த ஜூன் 12 ஆம் திகதி தொடங்கி ஜூலை 5 ஆம் திகதி வரை இங்கிலாந்தில் நடைபெற்றது.
நேற்று லார்ட்ஸ் மைதானத்தில் நடைபெற்ற இறுதிப்போட்டியில், இங்கிலாந்து மற்றும் அவுஸ்திரேலியா அணிகள் மோதியது.
நாணய சுழற்சியில் வென்ற அவுஸ்திரேலியா அணி, பந்துவீச்சை தேர்வு செய்தது.
முதலில் துடுப்பாட்டம் ஆடிய இங்கிலாந்து அணி, 20 ஓவர்கள் முடிவில் 4 விக்கெட் இழப்பிற்கு 150 ஓட்டங்கள் குவித்துள்ளது.
அதிகபட்சமாக அணித்தலைவி நாட் சிவர், 53 பந்துகளில் 58 ஓட்டங்கள் குவித்தார்.
7வது முறையாக அவுஸ்திரேலியா வெற்றி
151 ஓட்டங்கள் என்ற வெற்றி இலக்குடன் களமிறங்கிய அவுஸ்திரேலியா அணி, 17.1 ஓவர்களில் 153 ஓட்டங்கள் குவித்து வெற்றி பெற்றது.
இதன் மூலம் 7 விக்கெட் வித்தியாசத்தில் வெற்றி பெற்ற அவுஸ்திரேலியா அணி, 2026 மகளிர் T20 உலகக் கிண்ணத்தை வென்றது.
அவுஸ்திரேலியா தரப்பில், அதிகபட்சமாக 64 ஓட்டங்கள் குவித்த பெத் மூனி ஆட்ட நாயகி விருது மற்றும் தொடர் நாயகி விருது வென்றார்.
அவுஸ்திரேலியா மகளிர் அணி 7வது முறையாக மகளிர் T20 உலகக் கிண்ணத்தை வென்று வரலாறு படைத்துள்ளது.
இந்த தொடரில் அதிக ஓட்டங்கள் குவித்த வீராங்கனைகள் பட்டியலில் இங்கிலாந்தை சேர்ந்த டானி வயட்-ஹாட்ஜ் 302 ஓட்டங்களுடன் முதலிடத்தில் உள்ளார்.
இந்த தொடரில் அதிக விக்கெட்கள் வீழ்த்திய வீராங்கனைகள் பட்டியலில் இந்தியாவை சேர்ந்த ஸ்ரீ சரணி 14 விக்கெட்களுடன் முதலிடத்தில் உள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
புங்குடுதீவு 8ம் வட்டாரம், Büren an der Aare, Switzerland
29 Aug, 2026
