லங்காசிறி FM
அவுஸ்திரேலியாவில் தந்தை வைத்த தீயில் 3 குழந்தைகள் பலி! தப்பியோடிய மனைவி, 4 குழந்தைகள்
Thiru
in ஆஸ்திரேலியா
அவுஸ்திரேலியாவின் சிட்னியில் கணவர் ஒருவர் தனது வீட்டிற்கு தீ வைத்து குழந்தைகள் மற்றும் மனைவியை கொலை செய்ய முயற்சித்த சம்பவம் அதிர்ச்சியை ஏற்படுத்தியுள்ளது.
மனைவி, குழந்தைகளை கொல்ல முயற்சி
அவுஸ்திரேலியாவின் சிட்னி மேற்கு பகுதியில் ஞாயிற்றுக்கிழமை காலை வேளையில் நடந்த ஒரு கொடூர சம்பவத்தில், தந்தை ஒருவர் தனது சொந்த குழந்தைகள் மற்றும் மனைவியை தீ வைத்து கொலை செய்ய முயன்றதாக கூறப்படுகிறது.
அவர் ஏற்படுத்திய தீ விபத்தில், 5 மாத பெண் குழந்தை, 2 வயது ஆண் குழந்தை மற்றும் 6 வயது ஆண் குழந்தை உயிரிழந்தனர்.
தாய் மற்றும் 4, 7, 9, 11 வயதுடைய மற்ற நான்கு குழந்தைகள் காயங்களுடன் தப்பி ஓடினர். இதையடுத்து அவர்கள் மருத்துவமனையில் அனுமதிக்கப்பட்ட நிலையில், அவர்களின் உடல் நிலை தற்போது சீராக இருப்பதாக பொலிஸார் தெரிவித்துள்ளனர்.
தந்தை மீது பாயும் குற்றச்சாட்டுகள்
28 வயதான தந்தை, கொலை (3 குற்றச்சாட்டுகள்), கொலை முயற்சி (5 குற்றச்சாட்டுகள்) மற்றும் சொத்து அழிப்பு ஆகிய குற்றச்சாட்டுகளை எதிர்கொள்ள வேண்டியுள்ளது.
அறிக்கைகளின் படி, தந்தை தீ வைத்துவிட்டு, மீட்பு முயற்சிகளை தடுத்திருப்பதாகக் கூறப்படுகிறது. தற்போது அவர் காவல்துறை காவலில் மருத்துவமனையில் அனுமதிக்கப்பட்டுள்ளார்.
அவர் விரைவில் நீதிமன்றத்தில் ஆஜராவார் என தெரியவந்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
