லங்காசிறி FM
Aval Dosa: தோசை மா இல்லையா? 15 நிமிடத்தில் அவல் வைத்து தோசை செய்யலாம்
தமிழகத்தில் வாழும் பல குடும்பத்தின் காலை உணவில் பெரும்பாலும் தோசை, இட்லி போன்ற உணவை அதிகளவில் எடுத்துக்கொள்வார்கள்.
தோசையில் பிளைன் தோசை, மசால் தோசை, ரவா தோசை, ஆனியன் தோசை, மற்றும் கல் தோசை போன்ற பல வகை உண்டு.
அந்தவகையில், தோசை மா இல்லாத சமயத்தில் 15 நிமிடத்தில் செய்யக்கூடிய இந்த அவல் தோசை சாப்பிட சுவையாக இருக்கும்.
தேவையான பொருட்கள்
- அவல்- ½ கப்
- பச்சரிசி- 2 கப்
- பச்சைமிளகாய்- 3
- மோர்- 1 கப்
- உப்பு- தேவையான அளவு
- எண்ணெய்- தேவையான அளவு
- கடுகு- ½ ஸ்பூன்
- உளுந்து- ½ ஸ்பூன்
- கறிவேப்பிலை- 1 கொத்து
- கொத்தமல்லி- சிறிதளவு
செய்முறை
முதலில் ஒரு பாத்திரத்தில் பச்சரிசி மற்றும் அவலை சேர்த்து 2 -3 முறை நன்கு அலசி ஒரு மணி நேரம் ஊறவைத்து எடுத்துக்கொள்ளவும்.
பின் ஒரு மிக்ஸி ஜாரில் ஊறவைத்த அரிசி மற்றும் அவல் சேர்த்து அதில் பச்சைமிளகாய் மற்றும் மோர் சேர்த்து நன்கு அரைத்துக்கொள்ளவும்.
தேவைப்பட்டால் தண்ணீர் சேர்த்ததும் கொஞ்சம் கொரகொரப்பாக அரைத்துக்கொள்ளவும்.
பின் ஒரு வாணலில் எண்ணெய் சேர்த்து சூடானதும் அதில் கடுகு, உளுந்து சேர்த்து தாளித்து மாவில் சேர்த்து கலக்கவும்.
அடுத்து மாவில் தேவையான அளவு உப்பு, நறுக்கிய கறிவேப்பிலை, கொத்தமல்லி சேர்த்து மாவை கொஞ்சம் தண்ணீர் போல் கலந்துகொள்ளவும்.
அடுப்பில் தோசை தவா வைத்து சூடானதும் அதில் கலந்த மாவை தெளிப்பது போல் ஊற்றி சுட்டு எடுத்தால் சுவையான அவல் தோசை தயார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
