லங்காசிறி FM
ஒரு கப் அவல் இருந்தால் போதும்.., நெய்மணக்கும் அவல் பாயாசம் செய்யலாம்
பாயசம் என்றாலே வீட்டில் உள்ள குழந்தைகள் முதல் பெரியவர்கள் வரை அனைவரும் பிடித்தமான ஒரு இனிப்பு.
அந்தவகையில், தித்திக்கும் சுவையில் அவல் பாயாசம் எப்படி செய்வது என்று பார்க்கலாம்.
தேவையான பொருள்கள்
- நெய்- தேவையான அளவு
- அவல் - 1 கப்
- தேங்காய் துருவல்- 3 ஸ்பூன்
- முந்திரிபருப்பு - 10
- திராட்சை - 10
- வெல்லம் - ஒரு கப்
- பால் - ½ லிட்டர்
- ஏலக்காய் தூள்- சிறிதளவு
- சுக்கு தூள்- சிறிதளவு
- உப்பு - ஒரு சிட்டிகை
செய்முறை
ஒரு வாணலியில் சிறிதளவு நெய் விட்டு அதில் அவலை சேர்த்து நன்றாக வறுத்து எடுத்துக்கொள்ளவும்.
பின்னர் அதே வாணலியில் நெய் விட்டு பொடியாக நறுக்கிய தேங்காயை பொன்னிறமாக வறுத்து எடுத்துக்கொள்ளவும்.
அடுத்து அதே நெய்யில் முந்திரி திராட்சையையும் சேர்த்து வறுத்து எடுத்துக்கொள்ள வேண்டும்.
இதற்கடுத்து ஒரு பாத்திரத்தில் சிறிதளவு தண்ணீர் சேர்த்து வெல்லத்தை பாகு காய்ச்சி கொள்ள வேண்டும்.
இதையடுத்து அதே வாணலியில் பாலை சேர்த்து கொதித்ததும் அதில் வறுத்த அவலை சேர்த்து வேக வைக்கவும்.
அவல் வெந்தவுடன் அதில் வெல்லப்பாகு, வறுத்த தேங்காய், முந்திரி, திராட்சை சேர்த்து நன்கு கொதிக்கவிடவும்.
இறுதியாக இதில் ஏலக்காய் தூள், சுக்கு தூள் சேர்த்து இறக்கினால் சுவையான நெய்மணக்கும் அவல் பாயாசம் தயார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
