சர்க்கரை நோயை கட்டுக்குள் கொண்டு வரும் ஆயுர்வேத பானங்கள்! எப்படி எடுக்கணும்?

பொதுவாக ஆயுர்வேத மருத்துவம் உடலில் உண்டாகும் அனைத்து நோய்களுக்கும் சிகிச்சை அளிக்கிறது.

சிகிச்சை என்று சொல்வதை விட நோயின் அடிப்படை காரணத்தை அறிந்து அதை சரிசெய்ய முயற்சிப்பதால் இந்த நீரிழிவு நோய் கட்டுக்குள் வைக்கலாம்.

தீவிரமாகாமல் தடுக்கலாம். சர்க்கரை நோயினால் உண்டாகும் உடல் பக்கவிளைவுகளை தடுக்கலாம். இதற்கு ஒரு சில ஆயர்வேத பானங்கள் உதவுகின்றது. தற்போது அவை என்னென்ன என்பத தெரிந்து கொள்வோம்.

• நெல்லிக்காய் சக்திவாய்ந்த ஆயுர்வேத மருத்துவ மூலிகை. 20 மில்லி நெல்லிக்காய் சாற்றை அரை டீஸ்பூன் மஞ்சளுடன் கலந்து தினமும் இரண்டு முறை குடிக்கலாம்.
  
  
• 50 கிராம் திரிபலா + 50 கிராம் மஞ்சள் கலந்து தினசரி இரண்டு வேளை எடுக்க வேண்டும். மதிய உணவுக்கு முன் அரை டீஸ்பூன் அளவும். இரவு உணவுக்கு முன் அரை டீஸ்பூனும் வெதுவெதுப்பான நீரில் கலந்து குடித்து வரலாம்.
  
  
• நாவல் பழத்தில் 80% மேல் அதிகமான நீர்ச்சத்து உள்ளது. மேலும் இதில் சுக்ரோஸ் இல்லை. நாவல் பழத்தை அளவாக தினசரி எடுக்கலாம். இதன் விதைகளை பொடி செய்து 1 டீஸ்பூன் பொடியை வெதுவெதுப்பான இளஞ்சூடான நீரில் கலந்து தினமும் இரண்டு வேளை குடிக்கவும்.
  
  
• வெந்தயம் 2 டீஸ்பூன் அளவு எடுத்து 1 டம்ளர் தண்ணீரில் ஊறவைக்கவும். காலையில் அந்த விதைகளை பிசைந்து கலவையை வடிகட்டி வெறும் வயிற்றில் குடித்து வரவும்.
  
  
• அதிகாலையில் பூண்டு பல் 2 மென்று சாப்பிடலாம். இதுவும் நீரிழிவை கட்டுக்குள் வைக்க செய்யும்.
  
  
• வேப்பிலை - 10,  துளசி - 10 இலை,  வில்வா இலை - 10 மூன்றையும் சாறு எடுத்து கலக்கவும். இந்த கலவை இரத்த சர்க்கரை அளவு குறைப்பதற்காக வெறும் வயிற்றில் தண்ணீருடன் குடிக்கலாம்.  
  
  
• பிரிஞ்சி இலையை பொடியாக்கி வைக்கவும். அரை டீ ஸ்பூன் பொடியுடன் மஞ்சள் அரை டீஸ்பூன் கற்றாழை ஜெல் 1 டீஸ்பூன் எடுத்து கலந்து விடவும். இதை மதிய உணவு மற்றும் இரவு உணவுக்கு முன் நாள் ஒன்றுக்கு இரண்டு முறை எடுத்து வரவும். இரத்த சர்க்கரை அளவை கட்டுப்படுத்துவதில் இது மிகவும் பயனுள்ளதாக இருக்கும்.
  
  
• ஆலமரத்தின் பட்டை எடுத்து நான்கு டம்ளர் தண்ணீரில் போட்டு சூடாக்கவும். தண்ணீர் ஒரு டம்ளராக குறையும் வரை சூடாக்க வேண்டும். இதை இறக்கி குளிரவைத்து குடிக்க வேண்டும்.
  
  
• மா இலைகளை வெயிலில் உலர்த்தி காயவைத்து, பொடியாக நறுக்கி தினமும் காலையிலும் மாலையிலும் தண்ணீரில் கலந்து குடிக்கலாம்.  
  
  
• துளசி இலைகளிலிருந்து பிரித்தெடுக்கப்பட்ட சாற்றை 2 டீஸ்பூன் எடுத்து காலையில் வெறும் வயிற்றில் குடித்து வந்தால் உடலில் இரத்த சர்க்கரையின் அளவை கட்டுக்குள் வைக்கலாம்.  
  
  
• வெண்டைக்காய்களின் முனையை வெட்டி, ஒரு முட்கரண்டி பயன்படுத்தி பல இடங்களில் குத்தி விடவும். வெண்டைக்காயை ஒரு டம்ளர் தண்ணீரில் இரவு முழுவதும் ஊறவிடவும். காலையில் வெண்டைக்காயை தனியே எடுத்துவிட்டு வெறும் வயிற்றில் குடித்து வரவேண்டும். இரத்த சர்க்கரை அளவை கட்டுப்படுத்த பல வாரங்கள் இதை செய்து வரவும்.