லங்காசிறி FM
ரோஹித் சர்மாவின் சாதனையை 18 வயதிலே முறியடித்த ஆயுஷ் மாத்ரே
Karthikraja
in கிரிக்கெட்
3 வித போட்டிகளிலும் இளவயதில் சதமடித்த ரோஹித் சர்மாவின் சாதனையை ஆயுஷ் மாத்ரே முறியடித்துள்ளார்.
சையத் முஷ்டாக் அலி கோப்பை
18வது சையத் முஷ்டாக் அலி கோப்பை கடந்த நவம்பர் 26 ஆம் திகதி தொடங்கி டிசம்பர் 18 ஆம் திகதி வரை நடைபெற உள்ளது.
இதில் நேற்று லக்னோவில் நடைபெற்ற லீக் போட்டியில், மும்பை மற்றும் விதர்பா அணிகள் மோதியது.
நாணய சுழற்சியில் வென்ற மும்பை அணி முதலில் பந்து வீச்சை தேர்வு செய்தது.
முதலில் துடுப்பாட்டம் ஆடிய விதர்பா அணி, 20 ஓவர்கள் முடிவில் 9 விக்கெட்களை இழந்து 192 ஓட்டங்கள் எடுத்தது.
193 ஓட்டங்கள் என்ற வெற்றி இலக்குடன் களமிறங்கிய மும்பை அணி, 17.5 ஓவர்களில் 3 விக்கெட்களை மட்டுமே இழந்து 194 ஓட்டங்கள் எடுத்து 7 விக்கெட் வித்தியாசத்தில் வெற்றி பெற்றது.
🚨 Record Alert 🚨
— BCCI Domestic (@BCCIdomestic) November 29, 2025
At 18 years & 135 days, Ayush Mhatre becomes the youngest man to score a hundred across all three formats - First-class, List A, and T20 👏
He achieved the feat with an unbeaten 110*(53) for Mumbai vs Vidarbha in the #SMAT clash in Lucknow 🔥
Watch 📽️… pic.twitter.com/lDRsgSJwDM
அதிகபட்சமாக ஆயுஷ் மாத்ரே, 53 பந்துகளில் 8 பவுண்டரி, 8 சிக்ஸர்கள் உட்பட 110 ஓட்டங்கள் குவித்து அணியின் வெற்றிக்கு முக்கிய பங்கு வகித்தார்.
ஆயுஷ் மாத்ரே சாதனை
மேலும், இந்த சதத்தின் மூலம் ரோஹித் சர்மாவின் சாதனை ஒன்றை ஆயுஷ் மாத்ரே முறியடித்துள்ளார்.
இந்த சதத்தின் மூலம், முதல் தர டெஸ்ட்( ரஞ்சிக்கோப்பை), லிஸ்ட் - ஏ ஒருநாள்போட்டி(விஜய் ஹசாரே கோப்பை), டி20 (சையத் முஷ்டாக் அலி கோப்பை) ஆகிய 3 விதமான உள்ளூர் போட்டிகளிலும் சதமடித்த இளம் வீரர் என்ற சாதனையை படைத்துள்ளார்.
முன்னதாக ரோஹித் சர்மா 19 வருடம் 339 நாட்களில் இந்த சாதனையை படைத்திருந்தார். ஆயுஷ் மாத்ரே, 18 வருடம் 135 நாட்களில் இந்த சாதனையை படைத்துள்ளார்.
ஐக்கிய அரபு அமீரகத்தில் வரும் டிசம்பர் 12 ஆம் திகதி தொடங்க உள்ள U19 ஆசிய கோப்பைக்கான இந்தியா அணியின் அணித்தலைவராக ஆயுஷ் மாத்ரே தேர்வு செய்யப்பட்டுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
