லங்காசிறி FM
பிறக்கும் போதே 6 கிலோ எடையுடன் பிறந்த குழந்தை... கனடாவில் அதிர்ச்சி சம்பவம்!
ஒன்ராரியோவின் Cambridge நகரில் உள்ள மருத்துவமனையில் 14 பவுண்டுகள் , எட்டு அவுண்ஸ் நிறையுள்ள குழந்தையொன்று பிரசவிக்கப்பட்டமை தொடர்பாக தாம் அதிர்ச்சி அடைந்ததாக மகப்பேற்று நிபுணரான Asa Ahimbisibwe கூறியுள்ளார்.
அதிக எடையுடன் பிறந்த குழந்தை
அறுவை சிகிச்சை மூலம் பிரசவிக்கப்பட்ட Sonny Ayres என்ற குறித்த குழந்தை ஆரோக்கியமாகவும் குண்டாகவும் இருப்பதாகவும் அவர் குறிப்பிட்டுள்ளார்.
Cambridge ஞாபகார்த்த மருத்துவமனை, கடந்த 2010 ஆம் ஆண்டு தரவுகளை பதிவுசெய்ய ஆரம்பித்ததில் இருந்து பிறந்த மிகவும் அதிக எடைகொண்ட குழந்தையாக Sonny Ayres பதிவாகியுள்ளது.
அறுவை சத்திரசிகிச்சை மூலம் குழந்தையை வெளியே எடுத்ததும் தாம் அதிர்ச்சி அடைந்ததாகவும் அதன் பின்னர் நிறையை அளவிட சென்ற போது அந்த குழந்தை மிகவும் பெரியதாக இருந்ததாகவும் மருத்துவ நிபுணர் Asa Ahimbisibwe கூறியுள்ளார்.
தமக்கு பிறக்கப் போகும் குழந்தை பெரியதாக இருக்கும் என்பது தெரியும் என்ற போதிலும் உண்மையான எடையை பார்த்த போது தாமும் ஆச்சரியமடைந்ததாக தாயாரான Britteney Ayres குறிப்பிட்டுள்ளார்.
சராசரியாக குழந்தையொன்றின் எடையானது பிறக்கும் போது 7 பவுண்டாக இருக்கும் என்ற போதிலும் Sonny Ayres எடையானது 14.5 பவுண்டாக அமைந்துள்ளமை குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
