லங்காசிறி FM
முதல் சிஎன்ஜி பைக்கை சந்தையில் வெளியிட தயாராகி வரும் பஜாஜ்!
தற்போது சந்தையில் பெட்ரோல் பைக்குகள் மட்டுமே உள்ளன. இருப்பினும், பெட்ரோல் விலை உயர்வால் பலர் எலெக்ட்ரிக் ஸ்கூட்டர்களின் பக்கம் திரும்பி வருகின்றனர். பெரிய வாகனங்களைப் பொறுத்தவரை, சிஎன்ஜி வாகனங்களை வாங்குவதில் ஆர்வம் காட்டி வருகின்றனர். பெட்ரோலை விட சிஎன்ஜி விலை குறைவு என்பதால் பலரும் சிஎன்ஜியை விரும்புகின்றனர்.
ஆனால் சிஎன்ஜி என்பது மூன்று சக்கர வாகனங்கள் மற்றும் நான்கு சக்கர வாகனங்களுக்கு மட்டுமே என்பது தெரிந்ததே. ஆனால் சிஎன்ஜி பைக்குகளும் விரைவில் கிடைக்கும்.
ஆம், நீங்கள் படித்தது சரிதான். பாபாஜ் நிறுவனம் விரைவில் இந்திய சந்தையில் CNG பைக்குகளை அறிமுகப்படுத்த தயாராகி வருகிறது. இந்த நிறுவனம் ஏற்கனவே வாகனங்களை தயாரித்து வருவதாக தகவல் வெளியாகியுள்ளது.
Bruzer E101 என்ற குறியீட்டு பெயருடன் வரும் இந்த புதிய CNG பைக் குறித்து, அவுரங்காபாத்தில் உள்ள தொழிற்சாலையில் தயாரிப்பு நடந்து வருவதாக தெரிவிக்கப்பட்டுள்ளது.
இந்த பைக் அடுத்த ஆண்டு அதிகாரப்பூர்வமாக சந்தையில் அறிமுகம் செய்யப்படும் என்று தெரிவிக்கப்பட்டுள்ளது. இந்த பைக் பிளாட்டினா என்ற பெயரில் கொண்டு வரப்படும் என தெரிகிறது. ஆட்டோ மொபைல் துறையில் இது ஒரு மைல்கல் என்று சந்தை வட்டாரங்கள் கருத்து தெரிவிக்கின்றன.
இந்த சிஎன்ஜி பைக்கைப் பற்றி பஜாஜ் செயல் இயக்குநர் ராகேஷ் சர்மா கூறியதாவது: மாசுபாட்டைக் குறைக்கவும், எரிபொருள் இறக்குமதியில் எதிர்கொள்ளும் சவால்களை சமாளிக்கவும் சிஎன்ஜி பைக்கைக் கொண்டு வருவதை பஜன் நோக்கமாகக் கொண்டுள்ளது.
இதற்கிடையில், பஜாஜ் ஆண்டுக்கு 1.2 லட்சம் பைக்குகளை தயாரிப்பதை இலக்காகக் கொண்டுள்ளது. பின்னர், சந்தையில் உள்ள தேவையின் அடிப்படையில், இந்த எண்ணிக்கையை ஆண்டுக்கு 2 லட்சம் வரை உயர்த்தலாம் என்று நிறுவனம் யோசித்து வருகிறது.
பெட்ரோலை ஒப்பிடும்போது, சிஎன்ஜியின் விலை குறைவு, மைலேஜும் அதிகம் என்பதால் இந்த பைக்குகள் சந்தையில் நிலைக்கும் என எதிர்பார்க்கப்படுகிறது. இந்த CNG பைக்கில் என்னென்ன அம்சங்கள் இருக்கும்? விலை எப்படி இருக்கும்? இது போன்ற முழு விவரங்களை அறிய, நிறுவனத்தின் அதிகாரப்பூர்வ அறிவிப்புக்காக காத்திருக்க வேண்டும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Bajaj, Bajaj Bikes, Bajaj introduce First CNG Bikes, Platina CNG Bike, Bajaj CNG Bikes
கல்வியங்காடு, கட்டப்பிராய், மதுரை, தமிழ்நாடு, India, Gants Hill, United Kingdom
07 Aug, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
புங்குடுதீவு 3ம் வட்டாரம், வட்டக்கச்சி இராமநாதபுரம், வைரவபுளியங்குளம்
18 Jul, 2026
சரவணை, கொய்யாத்தோட்டம், யாழ்ப்பாணம், Osterode am Harz, Germany
13 Aug, 2016
