லங்காசிறி FM
இந்திய மீன்களை இறக்குமதி செய்ய தடை: ஆசிய நாடொன்றின் திடீர் முடிவு
இந்தியாவின் குஜராத் ஹில்சா மீன்களை இறக்குமதி செய்ய வங்கதேச அரசு தடை விதித்துள்ளது.
ஹில்சா மீன் இறக்குமதி
உலக அளவில் ஹில்சா மீன்களை உற்பத்தி செய்யும் நாடாக வங்கதேசம் விளங்கி வருகிறது.
அந்த வகையில் எப்போதும் துர்கா பூஜை காலத்தில் வங்கதேசத்தில் இருந்து ஹில்சா மீன்களை வாங்குவதே வழக்கமான வர்த்தக நடைமுறையாக இருந்தது வந்தது.
ஆனால் இந்த ஆண்டு வங்கதேசத்தில் ஹில்சா மீன் உற்பத்தி குறைந்ததாலும், ஒரு கிலோ ஹில்தா மீன்களின் விலை 2600 ரூபாய்க்கும் மேல் சென்றது.
இதனால் குஜராத்தின் பரூச் மற்றும் நர்மதா நதிப் பகுதிகளில் பிடிக்கப்பட்ட ஹில்தா மீன்கள் பெட்ரோபோல் மற்றும் பெனபோல் எல்லைத் துறைமுகங்கள் வழியாக வங்கதேச நாட்டிற்கு இறக்குமதி செய்யப்பட்டு வந்தது.
கடந்த மாதங்களில் மட்டும் சுமார் 500 டன் ஹில்சா மீன்கள் இந்தியாவில் இருந்து வங்கதேசத்திற்கு ஏற்றுமதி செய்யப்பட்டுள்ளது
வங்கதேச மீன்வளத்துறையின் தற்காலிக இயக்குநர் ஜெனரல் டாக்டர் முகமது கலேத் கனக் வெளியிட்ட அறிக்கையில், 103 இறக்குமதி உரிமங்கள் ரத்து செய்யப்பட்டதாக தெரிவிக்கப்பட்டிருந்தது.
இறக்குமதிக்கு தடை
இந்நிலையில் இந்தியாவின் குஜராத்தில் இருந்து இறக்குமதி செய்யப்படும் ஹில்தா மீன்களுக்கு வங்கதேச அரசு தடை விதித்துள்ளது.
இதற்கான விரிவான காரணங்கள் எதுவும் தெரிவிக்கப்படவில்லை. ஆனால் இந்தியாவில் இருந்து குறைந்த விலையில் இறக்குமதி செய்யப்படும் இந்த ஹில்தா மீன்கள் சுவையிலும், தரத்திலும் சற்று மாறுபட்டவையாக இருப்பது ஒரு முக்கிய காரணமாக சொல்லப்படுகிறது.
அத்துடன் குஜராத்திலிருந்து குறைந்த விலையில் இறக்குமதி செய்யப்படும் ஹில்தா மீன்களை உள்ளூர் பத்மா நதி ஹில்தா மீன்கள் என சில நேர்மையற்ற வியாபாரிகள் விற்பனை செய்வதாக புகார்கள் எழுவதும் ஒரு காரணமாக பார்க்கப்படுகிறது.
வங்கதேச மீனவர்களின் வாழ்வாதாரத்தை பாதுகாக்கவும், உள்ளூர் மீன் உற்பத்தியை ஊக்குவிக்கவும் இந்த நடவடிக்கையானது மேற்கொள்ளப்பட்டு இருப்பதாக பார்க்கப்படுகிறது.
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
