லங்காசிறி FM
கனடாவில் ஒரே ஆண்டில் 220 கோடி ஊக்கத்தொகை பெற்ற வங்கி ஊழியர்: வெளிவரும் பின்னணி
கனடாவில் கடந்த 2022ல் வங்கி ஊழியர் ஒருவர் ஊதிய உயர்வு மற்றும் ஊக்கத்தொகையாக சுமார் 220 கோடி அளவுக்கு பெற்றுக்கொண்டுள்ளார் என்ற தகவல் வெளிச்சத்துக்கு வந்துள்ளது.
ஊக்கத்தொகையாக 20.2 மில்லியன்
தொடர்புடைய காலகட்டத்தில் வட்டி விகித உயர்வு காரணமாக நுகர்வோர் செலவினங்களை குறைக்க வேண்டும் என பாங்க் ஆஃப் கனடா முயற்சி முன்னெடுத்து வந்தது.
@CP
இந்த நிலையில், கனடிய வரி செலுத்துவோர் கூட்டமைப்பு திரட்டிய தரவுகளின் அடிப்படையிலேயே குறித்த தகவல் வெளிச்சத்துக்கு வந்துள்ளது. மத்திய கனடா வங்கி ஊழியர் ஒருவர் ஊக்கத்தொகையாக சுமார் 20.2 மில்லியன் கனேடிய டொலர் தொகையை பெற்றுள்ளதுடன், ஊதிய உயர்வாக 6.5 மில்லியன் கனேடிய டொலர் பெற்றுள்ளார்.
இது 2021ல் அவர் பெற்ற தொகையை விட 13 சதவீதம் அதிகம் என்றே தெரியவந்துள்ளது. மட்டுமின்றி, பாங்க் ஆஃப் கனடா ஊழியர்களில் 80 சதவீதம் பேர்கள் 2022ல் ஊக்கத்தொகை அல்லது ஊதிய உயர்வு பெற்றுள்ளனர்.
பொதுவாக கனேடிய மக்கள் மளிகை பொருட்கள், பெட்ரோல் அல்லது சொந்தமாக ஒரு வீடு என்ற கனவுடன் போராடி வந்த போது, வங்கி ஊழியர்கள் ஊக்கத்தொகை மற்றும் ஊதிய உயர்வுடன் செழிப்பாக இருந்துள்ளனர் என கடும் விமர்சனம் முன்வைக்கப்பட்டுள்ளது.
மட்டுமின்றி, விலைவாசி உயர்வு என்பது 40 ஆண்டுகளில் இல்லாத அளவுக்கு அதிகரித்துள்ள நிலையில், வங்கி ஊழியர்கள் பெருந்தொகை ஊக்கத்தொகை பெற்றுள்ளனர் என்ற குற்றச்சாட்டும் முன்வைக்கப்பட்டுள்ளது.
சராசரியாக 3,400 டொலர் ஊதிய உயர்வு
பாங்க் ஆஃப் கனடா ஊழியர்கள் ஒவ்வொருவருக்கும் சராசரியாக 11,000 டொலர் ஊக்கத்தொகை வழங்கப்பட்டுள்ளது. அத்துடன் சராசரியாக 3,400 டொலர் அளவுக்கு ஊதிய உயர்வும் ஒவ்வொருவருக்கும் அளிக்கப்பட்டுள்ளது.
மேலும் 2,250 பாங்க் ஆஃப் கனடா ஊழியர்களில் 1,095 பேர்கள் 2022ல் 6 இலக்க ஊதியம் பெற்றுள்ளனர். ஆனால் விலைவாசி உயர்வை கட்டுப்படுத்த பாங்க் ஆஃப் கனடா தவறியதாகவே கண்டறியப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
