தினமும் இந்த நேரத்தில் பேரீச்சம் பழம் சாப்பிடுவது நல்லதா? கெட்டதா? தெரிந்து கொள்வோம் வாங்க!

பேரீச்சம் பழத்தில் அளவற்ற இரும்பு சக்தி உள்ளது. இதனை தினமும் சாப்பிடுவதால் உடலுக்கு தேவையான ஒரு பங்கு இரும்பு சத்து கிடைக்கின்றது. என்னதான் நன்மை இருந்தாலும் அதை எந்த நேரத்தில் சாப்பிட வேண்டும் என்பதற்கு ஒரு சில வழிமுறைகள் உண்டு.

உடல் ஆரோக்கியமாக இருக்க மருத்துவரின் ஆலோசனைப்படி நேரத்திற்கு தகுந்த உணவுகளை உட்கொள்ள வேண்டும். அந்த வகையில் பேரீச்சம் பழம் சாப்பிடுவதற்கான நேரம் குறித்து பார்க்கலாம்.

• பேரீச்சம் பழங்களில் பிரக்டோஸ் இருப்பதால் வெறும் வயிற்றில் உண்ணும்போது சிலருக்கு வயிற்று வலி ஏற்படவும் வாய்ப்பு உள்ளது. இதில் இருக்கும் நார்ச்சத்து கொஞ்சம் சாப்பிட்டால்கூட வயிறு நிரம்பிய உணர்வைக் கொடுக்கும்.

• ஆனால் ஜீரணிக்க நீண்ட நேரம் எடுத்துகொள்ளும். வாயு மற்றும் வயிறு வீக்கத்துக்கு உங்களை அழைத்து செல்லும். உணவு ஒவ்வாமை அல்லது வயிற்றுபோக்கு பாதிக்கப்பட்டவர்கள் பேரிட்சை சாப்பிடுவதை தவிர்க்கலாம். அல்லது சிறிய துண்டுகளை குறிப்பிட்ட இடைவெளி விட்டு எடுத்துக்கொள்வது சிறந்தது.

• குடல் நோய் உள்ளவர்கள் பேரிட்சம் பழத்தை சாப்பிடும்போது ஜீரணிப்பதில் சிரமம் ஏற்படும். இதில் பினோலிக் அமிலங்கள் நிறைந்துள்ளது. இது அல்சர் போன்ற நோய்களை தடுக்க உதவுகிறது. பல வகையான புற்றுநோய்களை தடுப்பதுடன், இதய ஆரோக்கியத்தை மேம்படுத்துகிறது.

• மேலும் மூளை செயல்பாட்டை ஊக்குவிப்பதுடன் நோய் எதிர்ப்பு சக்தியை வலுப்படுத்துகிறது. நாள்தோறும் பேரிட்சை சாப்பிட்டால் எலும்பு ஆரோக்கியம் மேம்படும். மலச்சிக்கலை குணப்படுத்தும். உடல் எடையை குறைக்கவும் உதவுகிறது.

• அதிகாலையில் பேரிட்சை பழம் சாப்பிடுவது உங்கள் உடலுக்கு தேவையான ஆற்றலை அதிகரிக்கும். காலையில் இவற்றை உட்கொள்வது குடல் புழுக்களைக் கொல்ல உதவுகிறது. இதயம் மற்றும் கல்லீரல் ஆரோக்கியத்தை மேம்படுத்துகிறது.