தினமும் ஒரு கைப்பிடி பச்சை கொத்தமல்லி! உடலில் உள்ள அத்தனை நோய்களை விரட்டி அடிக்குமாம்

 நாம் சமையலுக்கு பயன்படுத்து கொத்தமல்லி இலைகள் ஏராளமான மருத்துவ குணங்களைக் கொண்டு உள்ளது. 

 இந்த தாவரத்தின் தண்டு, இலை மற்றும் வேர் என அனைத்தும் மருத்துவ பயன் கொண்டவை. 

இதில் இலையில் வைட்டமின் ஏ, வைட்டமின் சி, வைட்டமின் ஈ மற்றும் கரோட்டினாய்டுகள் அதிக அளவில் உள்ளன.

அதுமட்டுமின்றி, நார்ச்சத்து, இரும்புச் சத்து, மெக்னீசியம், கால்சியம், வைட்டமின் கே, பாஸ்பரஸ் போன்ற ஏராளமான ஊட்டச்சத்துக்கள் கொத்தமல்லி இலையில் நிறைந்து உள்ளன.

இதனை தினமும் ஒரு கைபிடி அளவு எடுத்து கொண்டால் உடலுக்கு நல்ல ஆரோக்கிய பலன்களை அள்ளித்தருகின்றது. தற்போது அவை என்ன என்பதை நாமும் தெரிந்து கொள்வோம். 

• தினமும் கொத்தமல்லியை உணவில் சேர்த்துக் கொள்வதன் மூலம் மாகுலர் டிஜெனரேஷன் பிரச்சனையைத் தாமதப்படுத்தவும் மற்றும் கண்ணில் ஏற்படும் வெண்படலத்தை குணப்படுத்தவும் கொத்தமல்லி உதவுகின்றது.
  
  
• கொத்தமல்லி இலையில் உள்ள வைட்டமின் சி மற்றும் வைட்டமின் ஈ மற்றும் வைட்டமின் ஏ உங்களின் நோய் எதிர்ப்பு சக்தியை மேம்படுத்த உதவுகின்றது. மேலும் இரத்த வெள்ளை அணுக்களை சிறப்பாக செயல்பட வைக்கவும், இரும்புச் சத்தை உடல் சரியாக உறிஞ்சவும் உதவுகிறது.
  
  
•  எல்லா உணவிலும் கொத்தமல்லி சேர்ப்பது அல்லது கொத்தமல்லி கலந்த தண்ணீரை தினமும் அருந்துவது உயர் இரத்த சர்க்கரை அளவுகளைக் குறைக்கும்.
  
  
• கொத்தமல்லி  தினமும் எடுத்துக் கொள்வதன் மூலம் எல்டிஎல் எனப்படும் கெட்ட கொழுப்பு குறைவதோடு, எச்டிஎல் எனப்படும் நல்ல கொழுப்பு அதிகரிக்கவும் செய்யும்.
  
  
• கொத்தமல்லியில் உள்ள அழற்சி எதிர்ப்பு செயல்பாடு கீல்வாதம் தொடர்பான வலியிலிருந்து உங்களின் எலும்புகளைப் பாதுகாக்கிறது.
  
  
• கொத்தமல்லி செரிமானப் பிரச்சனைகளில் இருந்து நிவாரணம் அளிக்கின்றது. அதுமட்டுமின்றி, வயிற்று வலி, வயிற்றுப்போக்கு, குடல் பிடிப்பு, வாயு மற்றும் குமட்டல் போன்ற பல்வேறு பிரச்சனைகளுக்கும் கொத்தமல்லி சிகிச்சை அளிக்கிறது.
  
  
• கொத்தமல்லி இலை சருமத்தை சேதப்படுத்தும் ப்ரீ ரேடிக்கல்களுக்கு எதிராக போராடுகிறது. எண்ணெய் சருமம் உள்ளவர்களுக்கான அதிகப்படியான எண்ணெயை உறிஞ்ச கொத்தமல்லி இலைகள் மருந்தாக செயல்படுகிறது.
  
  
• கொத்தமல்லி சாறு இரத்த அழுத்தத்தைக் குறைக்கவும், கொலஸ்ட்ரால் அளவைக் கட்டுப்படுத்தவும், இதய நோய் அபாயத்தைக் குறைக்கும் பயன்படுகிறது. கொத்தமல்லியை உணவில் சேர்த்துக் கொள்வது சோடியம் உட்கொள்ளலைக் குறைக்க உதவும். 
  
  
•   கொத்தமல்லி இலையின் சாறு மூளை செல்களை சேதத்திலிருந்து பாதுகாக்கிறது. அதோடு, நினைவாற்றலையும் மேம்படுத்துகிறது.