லங்காசிறி FM
ஹேசல்வுட் செய்த சம்பவம்... சென்னையில் csk-வை திட்டமிட்டு நொறுக்கிய பெங்களூரு
Arbin
in கிரிக்கெட்
சென்னையில் சென்னை சூப்பர் கிங்ஸ் அணிக்கு எதிராக 50 ஓட்டங்கள் வித்தியாசத்தில் பெங்களூரு அணி அபார வெற்றி பெற்றுள்ளது.
டிம் டேவிட் அதிரடி
இன்று நடந்த 8வது லீக் ஆட்டத்தில் சென்னை சூப்பர் கிங்ஸ், ராயல் சேலஞ்சர்ஸ் பெங்களூரு அணிகள் மோதின. சேப்பாக்கம் மைதானத்தில் நடந்த இப்போட்டியில் நாணய சுழற்சியில் வென்ற சென்னை முதலில் பந்து வீச்சை தெரிவு செய்தது.
இதனையடுத்து பெங்களூரு அணியின் தொடக்க வீரர்களாக பிலிப் சால்ட், விராட் கோலி களமிறங்கினர். சால்ட் 16 பந்துகளில் 32 ஓட்டங்கள் எடுத்து ஆட்டமிழந்தார். கோலி 30 பந்துகளை எதிர்கொண்டு 31 ஓட்டங்கள் எடுத்து ஆட்டமிழந்தார்.
அடுத்து வந்த படிகல் 27 ஓட்டங்களில் வெளியேறினார். அதிரடியாக ஆடிய கேப்டன் ரஜத் படிதர் 32 பந்துகளில் 51 ஓட்டங்கள் குவித்து அவுட் ஆனார். இறுதிகட்டத்தில் அதிரடியாக ஆடிய டிம் டேவிட் 8 பந்துகளில் 22 ஓட்டங்கள் விளாசினார்.
இறுதியில் 20 ஓவர்கள் முடிவில் பெங்களூரு 7 விக்கெட்டுகள் இழப்பிற்கு 196 ஓட்டங்கள் குவித்தது. இதனையடுத்து 197 ஓட்டங்கள் எடுத்தால் வெற்றி என்ற சவாலான இலக்குடன் சென்னை அணியின் தொடக்க வீரர்களாக ரச்சின் ரவிந்திரா, ராகுல் திரிபாதி களமிறங்கினர்.
ஹேசில்வுட் அபாரம்
திரிபாதி 5 ஓட்டங்களில் வெளியேற, அடுத்து வந்த கேப்டன் ருதுராஜ் கெய்குவாட் ரன் எதுவும் எடுக்காமல் (0 ரன்) அவுட் ஆகி ஏமாற்றம் அளித்தார். இதையடுத்து களமிறங்கிய தீபக் ஹுடா ( 4 ), சாம் கரன் (8), ஷிவம் துபே (19) ஓட்டங்களிலும் ஆட்டமிழந்து ஏமாற்றம் அளித்தனர்.
அஸ்வின் 11 ஓட்டங்களில் அவுட் ஆனார். நிதானமாக ஆடிய ஜடேஜா 19 பந்துகளில் 25 ஓட்டங்கள் எடுத்தார். இறுதியில் சென்னை 20 ஓவர்கள் முடிவில் 8 விக்கெட்டுகள் இழப்பிற்கு 146 ஓட்டங்கள் மட்டுமே எடுத்தது.
டோனி 16 பந்துகளில் 30 ஓட்டங்களுடனும், நூர் அகமது ரன் எதுவும் எடுக்காமலும் களத்தில் இருந்தனர். இதன் மூலம் சென்னை சூப்பர் கிங்ஸ் அணியை 50 ஓட்டங்கள் வித்தியாசத்தில் வீழ்த்தி ராயல் சேலஞ்சர்ஸ் பெங்களூரு அபார வெற்றிபெற்றது.
பெங்களூரு தரப்பில் அந்த அணியின் ஹேசில்வுட் அதிகபட்சமாக 4 ஓவரில் 21 ஓட்டங்களுக்கு 3 விக்கெட்டுகளையும். தயால், லிவிங்ஸ்டன் தலா 2 விக்கெட்டுகளை வீழ்த்தினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
முள்ளியவளை, சுவிஸ், Switzerland, Scarborough, Canada, Toronto, Canada
01 Apr, 2020
Myliddy, Liverpool, United Kingdom, Gerrards Cross, United Kingdom
25 Mar, 2025
