லங்காசிறி FM
பாரதிராஜாவின் தேசிய விருது முதல் டாக்டர் பட்டம் வரை: தமிழ் சினிமா ஆளுமையின் வெற்றி
தமிழ் சினிமாவில் தன்னுடைய கதை மற்றும் இயக்கத்தினால் மிகப்பெரிய திருப்புமுனையை ஏற்படுத்திய பாரதிராஜா நீலாங்கரையில் உள்ள அவரது வீட்டில் இன்று காலமானார்.
பாரதிராஜாவிற்கு முன், பாரதிராஜாவிற்கு பின் என்று பிரித்து பார்க்கும் அளவிற்கு தமிழ் சினிமாவில் மிகப்பெரிய தாக்கத்தை ஏற்படுத்திய பாரதிராஜாவின் உடலுக்கு தமிழ் திரையுலகினர் மற்றும் அரசியல் பிரபலங்கள் பலரும் அஞ்சலி செலுத்தி வருகின்றனர்.
தனித்துவமான பல திரைப்படங்களை இயக்கியதன் மூலம் பாரதிராஜா பெற்ற விருதுகள் தமிழ் சினிமாவுக்கு பெருமை ஏற்படுத்துவதாக அமைந்தது மறுக்க முடியாதது.
16 வயதினிலே, அலைகள் ஓய்வதில்லை, முதல் மரியாதை, மண்வாசனை, புதுமைப்பெண், ஒரு கைதியின் டைரி, கருத்தம்மா, பசும்பொன் போன்ற பல திரைப்படங்கள் பாரதிராஜாவின் இயக்கத்திற்கு புகழ் கூட்டியவை.
பாரதிராஜாவின் விருதுகள்
தேசிய விருதுகள்
1982ம் ஆண்டு சிதாகொகா சிலுகா என்ற தெலுங்கு திரைப்படத்திற்காக சிறந்த தெலுங்கு திரைப்படத்திற்கான தேசிய விருதை பாரதிராஜா பெற்றார்.
1986- முதல் மரியாதை, 1995 கருத்தம்மா, 1996 அந்திமந்தாமரை, 2001 கடல் பூக்கள் ஆகிய திரைப்படங்களுக்கான சிறந்த இயக்குநருக்கான தேசிய விருதை பாரதிராஜா பெற்றார்.
வேதம் புதிது என்ற திரைப்படத்திற்காக 1988ம் ஆண்டு சமூக பிரச்சனை குறித்த சிறந்த திரைப்படத்திற்காக தேசிய விருதையும் பாரதிராஜா பெற்றார்.
2004ம் ஆண்டு பாரதிராஜாவை கவுரவிக்கும் விதமாக இந்திய அரசு அவருக்கு பத்மஶ்ரீ விருதை பெற்றார்.
பிலிம்பேர் விருதுகள்
1978 - சிவப்பு ரோஜாக்கள், 1987 வேதம் புதிது, 1994 கருத்தம்மா ஆகிய திரைப்படங்களுக்காக சிறந்த திரைப்படம் மற்றும் சிறந்த இயக்குநருக்கான பிலிம்பேர் விருதுகளை பாரதிராஜா பெற்றுள்ளார்.
தமிழ்நாடு மாநில விருதுகள்
1977-16 வயதினிலே, 1981 அலைகள் ஓய்வதில்லை, 1994 கருத்தம்மா, ஆகியவற்றிக்கான தமிழ்நாடு அரசின் சிறந்த இயக்குநர், சிறந்த படம் ஆகியவற்றிக்கான விருதினை பாரதிராஜா பெற்றுள்ளார்.
2001ம் ஆண்டு தமிழ்நாடு அரசின் கௌரவ விருதான அறிஞர் அண்ணா விருதை பாரதிராஜா பெற்றார்.
2003ம் ஆண்டு ஈர நிலம் படத்திற்காக சிறந்த திரைப்பட விருதை பெற்றார்.
பிற விருதுகள்
1981ம் ஆண்டு சீதாகொகா சிலுகா திரைப்படத்திற்காக சிறந்த இயக்குநருக்கான நந்தி விருது.
2012ம் ஆண்டு தமிழ் சினிமாவுக்கு சிறந்த பங்களிப்பு வழங்கியதற்காக விஜய் விருது. 1980ம் ஆண்டு கல்லுக்குள் ஈரம் திரைப்படத்திற்காக சிறந்த தொழில்நுட்ப விருது.
2005ம் ஆண்டு சத்தியபாமா பல்கலைக்கழகத்தில் கௌரவ டாக்டர் பட்டம் ஆகியவற்றை பாரதிராஜா பெற்றுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
