Bigg Boss வைல்டு கார்டு போட்டியாளர்: VJ விஷாலின் முன்னாள் காதலியும் இவர் தானா?

மக்கள் செல்வன் விஜய் சேதுபதி தொகுத்து வழங்கும் 'பிக் பாஸ் தமிழ் 8' நிகழ்ச்சியில் வைல்டு கார்டு நுழைவு மூலம் உள்ளே சென்ற ஒரு பெண் போட்டியார் குறித்து சில தகவல்கள் வெளியாகியுள்ளன.

Bigg Boss

விஜய் சேதுபதி தொகுத்து வழங்கும் பிக் பாஸ் தமிழ் 8 சுவாரஸ்யமான திருப்பங்களுக்கு பெயர் பெற்றது. இது பார்வையாளர்களை கவர்ந்திழுக்கும் வாய்ப்பை ஒருபோதும் தவறவிடாது.

பிரபலமான ரியாலிட்டி ஷோவின் புதிய சீசன் நிறைய நாடகங்கள் மற்றும் போட்டியாளர்களின் சுவாரஸ்யமான வரிசையுடன் வந்துள்ளது.

பிக்பாஸ் தமிழ் 8 நிகழ்ச்சியின் 4 வது வாரத்தை முடிக்கும் நிலையில், சென்ற வார இறுதியில், அதாவது நேற்று ஒரு பெரிய திருப்பத்துடன் வீட்டிற்குள் 6 போட்டியாளர்கள் புதிதாக சென்றுள்ளனர்.  

பிக் பாஸ் தமிழ் 8 இலிருந்து மூன்று போட்டியாளர்கள் வெளியேற்றப்பட்டதால் , வைல்ட் கார்டு போட்டியாளர்களின் நுழைவு விளையாட்டை சுவாரஸ்யமாக்கும் என்று எதிர்பார்க்கப்படுகிறது.

பிக் பாஸ் தமிழ் 8 இல் நுழைவது குறித்து பல பெயர்கள் கூறப்பட்டிருந்தாலும், ரியா தியாகராஜன் வைல்ட் கார்டு போட்டியாளராக நுழைய வாய்ப்புள்ளதாக கூறப்பட்டிருந்தது. அதையடுத்து தற்போது அவரே வீட்டிற்குள்ளும் சென்றுள்ளார்.

இந்நிலையில் அவர் குறித்து ஒரு சில தகவல்கள் இணையத்தில் அதிகமாக பேசப்பட்டு வருகிறது.

யார் இந்த ரியா தியாகராஜன்?

மிஸ் சென்னை 2023 இல் இரண்டாவது ரன்னர் அப் பெற்ற ஒரு மாடல் ஆவார். இவர் ஒரு சமூக ஊடக நட்சத்திரமும் ஆவார். மேலும் இவர் சமூக ஊடகங்களில் தனது கருத்துக்களைப் பகிர்ந்து கொள்வதோடு பிக் பாஸ் தமிழ் குறித்தும் அவருடைய கருத்தை முன்வைத்துள்ளார்.

வைல்ட் கார்டு போட்டியாளராக ரியாவின் பெயர் வெளிவந்ததில் இருந்தே, இவரும் VJ விஷாலும் காதலித்துக் கொண்டிருந்ததாக கூறப்படுகிறது.

பிக் பாஸ் தமிழ் 8 இன் போட்டியாளரான VJ விஷாலுடனான அவரது உறவு தலைப்புச் செய்திகயாக உருவாகத் தொடங்கிய போதே, ​​​​அவர்கள் 2022 இல் தங்கள் உறவை முறித்துக் கொண்டனர் என்றும் கூறப்படுகிறது. 

ரியா என்று கூறப்படுவது VJ விஷாலின் முன்னாள் காதலியாக இருக்கலாம். ஆனால் வைல்டு கார்டு மூலம் வீட்டிற்குள் சென்ற ரியா தியாகராஜன் VJ விஷாலின் காதலி இல்லை.

ரியா என்று கூறப்படும் VJ விஷாலின் முன்னாள் காதலி ராஜா ராணி 2 மற்றும் சண்டகோழி போன்ற தொடர்களில் நடித்துள்ளார்.

அவருடைய பெயரும் இவருடைய பெயரும் ஒன்றாக இருப்பதால் ரசிகர்கள் குழப்பத்தில் ஒரு சில செய்திகளை பரப்பி வருகின்றனர்.

பிக் பாஸ் வீட்டிற்குள் சென்றுள்ள போட்டியாளரின் பெயர், ரியா தியாகராஜன். VJ விஷாலின் முன்னாள் காதலி பெயர் ரியா விஸ்வநாதன் ஆகும்.