அதிரடியாக பிக்பாஸ் வீட்டிற்குள் நுழைந்த 6 புதிய போட்டியாளர்கள் - இனி நடக்கப்போவது என்ன?

மக்கள் செல்வன் விஜய் சேதுபதி தொகுத்து வழங்கும் 'பிக் பாஸ் தமிழ் 8' நிகழ்ச்சி வெற்றிக்கரமாக நிழந்துக்கொண்டிருக்கும் இந்நிலையில் நேற்று வைல்டு கார்டு நுழைவு மூலம் 6 போட்டியாளர்கள் வீட்டிற்குள் சென்றுள்ளனர்.

Bigg Boss Season 8

உலக நாயகன் கமல் தொகுத்து வழங்கிய பிக்பாஸ் நிகழ்ச்சி கடந்த ஏழு ஆண்டுகளாக வெற்றிகரமாக நிகழ்ந்து வந்தது. இதையடுத்து 8வது சீசன் மக்கள் செல்வன் விஜய் சேதுபதியால் வழங்கப்பட்டு வருகிறது.

இதில் போட்டியாளராக ரவீந்தர் சந்திரசேகரன், சச்சனா நமிதாஸ், தர்ஷா குப்தா, சத்யா SK, தீபக், RJ ஆனந்தி, சுனிதா கோகோய், VJ விஷால், Jeffry, ரஞ்சித், முத்துக்குமரன், பவித்ரா ஜனனி, ஜாக்குலின், சௌந்தரியா நஞ்சுண்டன், அருண் பிரசாத், ஆர்ணவ் மற்றும் அன்ஷிதா அக்பர்ஷா ஆகியோர் கலந்துக்கொண்டனர்.

போட்டி ஆரம்பமாகி 24 மணிநேரத்தில் சச்சனா நமிதாஸ் வெளியேற்றப்பட்டு மீண்டும் வீட்டிற்குள் அழைத்து வரப்பட்டார்.

பின் அதன் முதல் வாரத்தில் ரவீந்தர் சந்திரசேகரன் வெளியேறினார். கடந்த வாரத்தில் ஆர்ணவ் வெளியேறினார். பின் தர்ஷா குப்தா வெளியானார்.

அதையடுத்து இவ்வாரம் அன்ஷிதா வெளியேறுவார் என்று எதிர்பார்த்த நிலையில், தீபாவளி காரணமாக இவ்வாரம் யாரும் வெளியேற்றப்படவில்லை.

அதற்கு பதிலாக 6 போட்டியாளர்கள் வைல்டு கார்டு நுழைவு மூலம் வீட்டிற்குள் சென்றுள்ளனர். 

Wildcard போட்டியாளர்கள்

சிவ குமார் (சிவாஜி தேவ்)

பிக் பாஸ் வீட்டிற்கு சினிமா ராயல்டியை கொண்டு வரும் வகையில், பழம்பெரும் நடிகர் சிவாஜி கணேசனின் பேரன் சிவ குமாரும் களமிறங்கி உள்ளார்.

வர்ஷினி வெங்கட்

ஒரு சிறந்த நடிகை மற்றும் பாடகி, வர்ஷினி வெங்கட் பொழுதுபோக்கு துறையில் தனது ஆற்றல்மிக்க இருப்புக்காக அறியப்படுகிறார்.  

மஞ்சரி

பிரபல தொலைக்காட்சியில் ஒளிபரப்பட்ட தமிழ் பேச்சு எங்கள் மூச்சு நிகழ்ச்சியில் பங்கேற்றதற்காக புகழ்பெற்ற பேச்சாளர் மஞ்சரி வீட்டிற்குள் நுழைந்துள்ளார். 

ரேயான்

பலருக்கும் பரிச்சயமான முகம், பிரபல தொலைக்காட்சியில் ஒளிபரப்பட்ட தொடர்களில் நடித்ததன் மூலம் ரேயான் தனக்கென ரசிகர்கள் பட்டாளத்தை வைத்துள்ளார். அவரது வருகை ஒரு புதிய முன்னோக்கை சேர்க்கும் மற்றும் புதிய கூட்டணிகள் மற்றும் போட்டிகளை தூண்டும் என்று எதிர்பார்க்கப்படுகிறது. 

ரானவ்

தனித்துவமான பாணி மற்றும் பெயர் பெற்ற மாடல், ராணவ் பங்குகளை உயர்த்துவதற்காக பிக் பாஸ் வீட்டிற்குள் சென்றுள்ளார். இவர் ஒரு படத்தில் நடிகராகவும் நடித்துக்கொண்டே வீட்டிற்குள் சென்றுள்ளார்.

ரியா தியாகராஜன்

இவர் மிஸ் சென்னை 2023 இல் இரண்டாம் இடத்தைப் பிடித்த ஒரு மாடல். இவர் பிக் பாஸ் குறித்து Review செய்தும் வந்துள்ளார். 

புதிதாக 6 போட்டியாளர்கள் சென்றுள்ள நிலையில் போட்டி இன்னும் சுவாரஸ்யமாக இருக்குமா அல்லது சண்டை சர்சை என இனி வரும் வாரங்கள் செல்லுமா என்பது குறித்து பொறுத்திருந்து தான் பார்க்க வேண்டும்.