லங்காசிறி FM
பல ஆயிரம் கோடி சொத்து - வாரிசை அறிவித்த பயோக்கான் கிரண் மஜும்தார்
பயோக்கான் நிறுவனர் கிரண் மஜும்தார் தனது வாரிசை அறிவித்துள்ளார்.
பயோக்கான்
பயோக்கான்(biocon) இந்தியாவின் முதல் உயிரித்தொழில்நுட்ப (பயோ டெக்னாலஜி) நிறுவனம் ஆகும். 1978 ஆம் ஆண்டு, பெங்களூரில் கிரண் மஜும்தார் ஷா இந்த நிறுவனத்தை துவங்கினார்.
சின்ச்சீன் அல்லது சிஞ்சீன் (Syngene), கிளிஞ்சீன் உள்ளிட்ட பல்வேறு துணை நிறுவனங்களை நடத்தி வரும் பயோக்கான், தனது ஆக்டிவ் பார்மசூட்டிகல் இன்கிரிடியன்ட்டை, அமெரிக்கா உள்ளிட்ட 120க்கும் மேற்பட்ட நாடுகளுக்கு விற்பனை செய்து வருகிறது.
ஒரு சிறிய கேரேஜில் இருந்து வெறும் 10,000 ரூபாய் முதலீட்டில் தொடங்கப்பட்ட பயோகான் நிறுவனம், கடந்த 2025 ஆம் நிதி ஆண்டில் மட்டும் ரூ.16,470 கோடி வருவாய் ஈட்டியுள்ளது.
இந்த நிறுவனத்தின் சந்தை மதிப்பு சுமார் ரூ.59,723 கோடி என மதிப்பிடப்பட்டுள்ளது.
2025 ஆம் ஆண்டு நிலவரப்படி, கிரண் மஜும்தார் 3.42 பில்லியன் டொலர் சொத்து மதிப்புடன் இந்திய பணக்காரர் பட்டியலில் 93வது இடத்தில் உள்ளார்.
73 வயதான கிரண் மஜும்தார் ஷா, நிறுவனத்தின் எதிர்காலம் சரியான கைகளில் இருக்க வேண்டும் என்பதில் உறுதியாக இருப்பதாகத் தெரிவித்துள்ளார்.
கிளேர் மஜும்தார்
தனக்கு குழந்தைகள் இல்லாத நிலையில், அண்ணன் மகளான கிளேர் மஜும்தாரை தனது வாரிசாக அதிகாரப்பூர்வமாக அறிவித்துள்ளார்.
ஆனால் உடனடியாக பதவியில் இருந்து விலகப்போவதில்லை எனவும், படிப்படியாக இந்த தலைமை மாற்றம் நடைபெறும் எனவும் அறிவித்துள்ளார்.
Not planning to hang up my boots for a while! Claire will gradually transition into my role in time. https://t.co/2yD1rwYAPd
— Kiran Mazumdar-Shaw (@kiranshaw) May 5, 2026
37 வயதான கிளேர், பயோகான் நிறுவனத்தால் உருவாக்கப்பட்ட ஒரு உயிரித்தொழில்நுட்ப நிறுவனமான, நாஸ்டாக்-பட்டியலிடப்பட்ட பிகாரா தெரபியூடிக்ஸின் நிறுவன தலைமை நிர்வாகி ஆவார்.
பிகாராவை நிறுவுவதற்கு முன்பு, அவர் தேர்ட் ராக் வென்ச்சர்ஸ் மற்றும் ரியோஸ் மெடிசின்ஸ் ஆகிய நிறுவனங்களில் பணியாற்றினார்.
உயிரித்தொழில்நுட்ப நிபுணரான கிளேர், அமெரிக்காவின் மாசசூசெட்ஸ் பொது மருத்துவமனையில் புற்றுநோய் நிபுணராகப் பணிபுரியும் தாமஸ் ராபர்ட்ஸை மணந்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
