லங்காசிறி FM
300 கிராம் பிரிட்டானியா பிஸ்கெட்டில் 52 கிராம் குறைவு.., ரூ.60 ஆயிரம் அபராதம் விதித்த ஆணையம்
300 கிராம் எடை கொண்ட பிரிட்டானியா பிஸ்கெட் பாக்கெட்டில் 52 கிராம் எடை குறைவாக இருந்ததால் பிரிட்டானியா நிறுவனத்திற்கு ரூ.60ஆயிரம் அபராதம் விதிக்கப்பட்டுள்ளது.
பிஸ்கெட்டில் எடை குறைவு
இந்திய மாநிலமான கேரளா, திருசூரைச் சார்ந்த ஜார்ஜ் தட்டில் என்பர் தனது வீட்டின் அருகில் இருக்கும் பேக்கரியில் பிரிட்டானியா நிறுவனத்தில் நியூட்ரி சாய்ஸ் தின் ஆரோ ரூட்ஸ் பிஸ்கெட் பாக்கெட்டுகளில் இரண்டு வாங்கியுள்ளார்.
இந்த பிஸ்கெட் பாக்கெட்டுகளை தலா ரூ.40 கொடுத்து வாங்கியுள்ளார். பின்னர், பாக்கெட்டில் அச்சிடப்பட்டுள்ள எடையுடன் ஒப்பிட்டுப் பார்த்தார்.
அப்போது, 300 கிராம் எடை இருக்க வேண்டிய பாக்கெட்டுகள் 268 கி மற்றும் 248 கி என வெவ்வேறு எடைகளில் இருந்துள்ளார்.
இதனால், அவர் பறக்கும் படையின் உதவிக் கட்டுப்பாட்டாளரிடம் புகார் அளித்தார். அப்போது, எடை குறைந்ததை உறுதி செய்தார்.
இதனையடுத்து, மாவட்ட நுகர்வோர் குறைதீர் ஆணையத்தை அணுகி நுகர்வோர் புகார் ஒன்றை தாக்கல் செய்தார். அப்போது, நிதி, உடல் மற்றும் மன உளைச்சலுக்கு இழப்பீடு கோரினார்.
பிரிட்டானியா நிறுவனம் மற்றும் சம்பந்தப்பட்ட பேக்கரி ஆகிய இரண்டிற்கும் நோட்டீஸ் அனுப்பப்பட்டது. இருந்தாலும், அவர்கள் எழுத்துப்பூர்வ அறிக்கையை தாக்கல் செய்ய தவறினர்.
இதையடுத்து, உற்பத்தியாளர் மற்றும் விற்பனையாளர் ஆகிய இருவரின் செயல்களும் நியாயமற்ற வர்த்தக நடைமுறை மற்றும் நுகர்வோர் பாதுகாப்புச் சட்டம் மற்றும் சட்ட அளவியல் சட்டம் 2009 இன் பிரிவு 30 -யை மீறுவதாக ஆணையம் தெரிவித்தது.
எனவே, புகார்தாரருக்கு இழப்பீடாக ரூ.50,000 மற்றும் வழக்கு செலவுக்காக ரூ.10,000 தொகையை எதிர்தரப்பு வழங்க வேண்டும் என்று ஆணையம் உத்தரவிட்டது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
