பிரியாணி உடன் இந்த பொருட்களை சேர்த்து சாப்பிடுவது பெரும் ஆபத்தை ஏற்படுத்துமாம்! ஜாக்கிரதையாக இருங்க

அனைவரும் விரும்பி சாப்பிடும் உணவுகளில் ஒன்று பிரியாணியும் ஒன்றாகும். அதில் பல ஆரோக்கிய நன்மைகள் இருந்தாலும், சில தீமைகளும் இருக்கத்தான் செய்கிறது

பிரியாணி எந்த அளவிற்கு ஆரோக்கியமான உணவோ அதே அளவிற்கு ஆரோக்கியத்தை கெடுக்கவும் கூடியது. எல்லாம் நாம் சாப்பிடும் அளவை பொறுத்துதான் இருக்கிறது. 

அதுமட்டுமின்றி பிரியாணியுடன் சில பொருட்களை சேர்த்து சாப்பிடாமல் இருப்பது நல்லது. ஏனெனில் இது ஒரு சில பக்கவிளைவுகளை ஏற்படுத்தக்கூடியது. 

அந்தவகையில் தற்போது பிரியாணியை எந்த பொருட்களுடன் சேர்த்து சாப்பிடகூடாது என்பதை பார்ப்போம். 

• பிரியாணி சாப்பிடும்போது சோடாவோ கூல் டிரிங்க்ஸோ சேர்த்து குடிப்பதை தவிர்க்க வேண்டும். ஏனெனிலி் சமைக்கப்பட்ட சூடான திட உணவான பிரியாணியில், இறைச்சி, நெய், மசாலா சேர்த்த உணவை சாப்பிட்டு கொண்டிருக்கும்போது, குளிர்ச்சியான, திரவ உணவை அதுவும் செயற்கையான பானத்தைச் சேர்த்துக் குடித்தால் பிரியாணியும் சோடா/கூல் டிரிங்க்ஸும் ஒன்றாகக் கலந்து செரிமானமாகாமல் கழிவாக வயிற்றுக்குள் நிரம்பும். எனவே இவற்றை தவிர்ப்பது நல்லது.
  
  
• மில்க் ஷேக், ஐஸ்கிரீம், மோர் போன்றவையும் கெடுதிதான். வயிற்றில் செரிக்காமல் நீர்க்கச் செய்யும். பாலில் உள்ள லாக்டோஸ், அசைவத்தில் உள்ள சத்துக்களை உடல் கிரகிக்காமல் தடுத்துவிடும். எனவே இவற்றை தடுப்பது நல்லது. 
  
  
• பிரியாணி சாப்பிடும் போதும் சரி சாப்பிட்ட பிறகுமே ஐஸ் வாட்டர் குடிக்கக் கூடாது. இது செரிப்பதற்காக வயிற்றில் சுரந்திருக்கும் ஹைட்ரோ குளோரிக் அமிலத்தை நீர்/ திரவ உணவுகள் கரைத்துவிடும். பின்னர் எந்த உணவும் செரிக்காமல் அப்படியே கழிவாகிவிடும்.
  
  
•  பிரியாணி உடன் பழச்சாறு, ஸ்மூத்தி, ஃப்ரூட் சாலட் போன்றவற்றை சாப்பிடுவதை தவிர்க்க வேண்டும். ஏனெனில் பிரியாணி போன்ற ஹெவியான உணவைச் செரித்துக்கொண்டிருக்கும்போது மேலே பழங்களும் வயிற்றுக்குள் சென்றால் முதலில் பழங்கள் செரிமானமாகும் பின்னர் ஆற்றல் குறைந்துவிட்ட நிலையில் பிரியாணியை முழுமையாக வயிற்றால் செரிக்க முடியாமல் போகும். 
  
  
• தயிரில் உள்ள லாக்டோஸ், லாக்டிக் ஆகியவை இறைச்சியில் உள்ள சத்துகளைக் கிரகிக்க விடாமல் தடுக்கும். எனவே பிரியாணி சாப்பிட்ட பின் இதனை சாப்பிடுவதை தவிர்க்க வேணடும்.