லங்காசிறி FM
அமெரிக்க தேர்தல் எதிரொலி: எலான் மஸ்க்கின் X தளத்திலிருந்து Bluesky-க்கு தாவும் பயனர்கள்!
Thiru
in தொழில்நுட்பம்
X தளத்தில் இருந்து வெளியேறி பயனர்கள் Bluesky என்ற புதிய சமூக ஊடக செயலியில் இணைந்து வருவதாக தகவல் வெளியாகி வருகிறது.
Bluesky செயலி
அமெரிக்க ஜனாதிபதி தேர்தலுக்கு பிறகு Bluesky என்ற சமூக ஊடக செயலியில் கிட்டத்தட்ட 1 மில்லியனுக்கும் அதிகமான புதிய பயனர்கள் இணைந்து இருப்பதாக தெரிவிக்கப்பட்டுள்ளது.
அமெரிக்க ஜனாதிபதி தேர்தலில் டொனால்ட் டிரம்புக்கு ஆதரவாக பிரச்சாரம் செய்த பில்லியனர் எலான் மஸ்க்கின் சமூக ஊடக செயலியான X தளத்தில் இருந்து வெளியேறி பலர் இந்த புதிய Bluesky செயலியில் இணைவதாக தெரியவந்துள்ளது.
X தளத்தின் போக்கு மீது திருப்தியில்லாத பலர் இந்த தளத்தை நோக்கி நகர்ந்துள்ளதாக கூறப்படுகிறது.
மைக்ரோ-பிளாக்கிங் தளமான Bluesky செயலியில் செப்டம்பர் மாதம் 9 மில்லியன் பயனர்கள் இருந்த நிலையில் தற்போது 15 மில்லியன் பயனர்களை கொண்டு இருப்பதாக அறிவித்துள்ளது.
Bluesky செயலியானது 2019ம் ஆண்டு ட்விட்டர் நிறுவனர் ஜாக் டோர்சியால் என்பவரால் தொடங்கப்பட்டது.
X தளம் வலதுசாரி கருத்துள்ள இடமாக மாறியதால் அதிர்ச்சியடைந்த இடதுசாரி ஆதரவாளர்களின் புகலிடமாக Bluesky ஆதரவு பெற்று வருகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
