இளவரசர் ஆண்ட்ரூவின் 1,000 காதலிகள்!

பிரித்தானிய மன்னரின் தம்பியான முன்னாள் இளவரசர் ஆண்ட்ரூ கைது செய்யப்பட்டதைத் தொடர்ந்து, அவரைக் குறித்த பல ரகசியங்கள் வெளியாகிவருகின்றன.

இந்நிலையில், ஆண்ட்ரூவுக்கு நெருக்கமான ஒருவர், அவருக்கு 1,000க்கும் அதிகமான காதலிகள் என கூறியுள்ள விடயம் தற்போது கவனம் ஈர்த்துவருகிறது!

இளவரசர் ஆண்ட்ரூவின் 1,000 காதலிகள்

அமெரிக்க நீதித்துறை வெளியிட்டுள்ள எப்ஸ்டீன் கோப்புகள் என்னும் ஆவணங்களால் இளவரசர் ஆண்ட்ரூவின் முகத்திரை கிழிந்துள்ள நிலையில், அவர் எப்போதுமே அப்படித்தான் என்று கூறியுள்ளார்கள் அவரது நண்பர்கள் சிலர்.

1996ஆம் ஆண்டு தன் மனைவியாகிய சாரா ஃபெர்குசனைப் பிரிந்ததிலிருந்து, சுமார் 1,000க்கும் மேற்பட்ட பெண்களுடன் ஆண்ட்ரூ நெருக்கமாக இருந்துள்ளார் என தனது புத்தகமான Entitled: The Rise and Fall of the House of York என்னும் புத்தகத்தில் எழுதியுள்ளார் Andrew Lownie என்பவர்.

ஏராளம் பெண்களுடன் நெருக்கம் காட்டியதாலேயே அவருக்கு பிளேபாய் இளவரசர், ராண்டி ஆண்டி என்று பட்டப்பெயரும் உண்டு என்கிறார்கள் அவரது நண்பர்கள். இதற்கிடையில், வெளி உலகுக்கு தெரியும் வகையில் ஆண்ட்ரூ காதலித்த அல்லது நெருங்கிப் பழகிய சில பெண்கள் குறித்து பிரித்தானிய ஊடகங்கள் செய்தி வெளியிட்டுவருகின்றன. 

இளவரசர் ஆண்ட்ரூவைக் கவிழ்த்த முக்கோணக் காதல்

Angie Everhart: 2003

தனது விவாகரத்தைத் தொடர்ந்து, பிளேபாய் பத்திரிகை மொடலான Angie Everhart என்னும் பெண்ணுடன் நெருங்கிப் பழகிவந்துள்ளார் ஆண்ட்ரூ. ஆண்ட்ரூவின் நண்பர்கள் வட்டாரத்தில், Angieயை, வருங்கால யார்க் கோமகள் என்றே அழைப்பார்களாம்.

Caroline Stanbury: 2000

நடிகர் சில்வஸ்டர் ஸ்டால்லோன் முதல் பல்வேறு பிரபலங்களுடன் இணைத்து பேசப்பட்ட Caroline மீது ஆண்ட்ரூ பைத்தியமாக இருந்தார் என தனது புத்தகத்தில் எழுதியுள்ளார் ராஜகுடும்ப எழுத்தாளரான Andrew Lownie. 

Emma Gibbs: 2000

சர்ச்சைக்குரிய கோடீஸ்வர குற்றவாளியான எப்ஸ்டீனுடைய காதலியான கிஸ்லெய்னால் ஆண்ட்ரூவுக்கு அறிமுகம் செய்துவைக்கப்பட்டவர் Emma என கூறப்படுகிறது. ஆண்ட்ரூவும் கிஸ்லெய்னும் முத்தமிட்டுக்கொள்ளும் காட்சிகள் ஒருமுறை வெளியாக, தி டைம்ஸ் பத்திரிகை, ஆண்ட்ரூவும் கிஸ்லெய்னும் நெருக்கமானவர்கள் என்றாலும், அவர்கள் இருவரும் தம்பதியர் அல்ல.

சொல்லப்போனால், ஆண்ட்ரூவுக்கு Emma Gibbஐ அறிமுகம் செய்ததே கிஸ்லெய்ன்தான் என குறிப்பிட்டிருந்தது.

Amanda Staveley: 2001

2001இல் Amandaவை சந்தித்துள்ளார் ஆண்ட்ரூ. Amandaவை ஆண்ட்ரூ தன் மகள்களான பீட்ரைஸ் மற்றும் யூஜீனிக்கும் அறிமுகம் செய்துவைத்ததாகவும், அவர்களும் அவரை ஏற்றுக்கொண்டதாகவும் கூறப்படுகிறது.

ஆக, ஆண்ட்ரூவின் காதலிகள் குறித்து எழுதிக்கொண்டே போனால், பத்திரிகையில் இடம்போதாது. ஆகவே, அவர்களுடைய பெயர்கள் மற்றும் அவர்கள் ஆண்ட்ரூவுடன் பழகிய காலகட்டத்தை மட்டும் வேண்டுமானால் குறிப்பிடலாம்.

அவ்வகையில், 1999இல் Lady Victoria Hervey, 1984இல் Catherine Rabett, 2010இல் Alexandra Escat, 2014இல் Monika Jakisic என அடுக்கிக்கொண்டே போகலாம். காதல் விடயத்தில் இளவரசர் ஆண்ட்ரூ இளவரசர் ஹரியை மிஞ்சிவிட்டார்!