லங்காசிறி FM
பிரித்தானிய பிரதமர் போரிஸ் ஜோன்சன் வீட்டில் துயர சம்பவம்
Arbin
in ஐக்கிய இராச்சியம்
பிரித்தானிய பிரதமர் போரிஸ் ஜோன்சனின் தாயார் தமது 79வது வயதில் மரணமடைந்துள்ளதாக அறிவிக்கப்பட்டுள்ளது.
தொழில்முறை ஓவியரான Charlotte Johnson Wahl திடீரென்று மரணமடைந்துள்ளதாகவும், லண்டனில் உள்ள மருத்துவமனையில் சிகிச்சை பெற்று வந்த நிலையில் மரணம் ஏற்பட்டுள்ளதாகவும் தெரிய வந்துள்ளது.
குடும்பத்தின் உச்ச அதிகாரம் கொண்டவர் தமது தாயார் என பிரதமர் ஜோன்சன் பலமுறை குறிப்பிட்டிருந்தார். அரசியல் தலைவர்கள் உள்ளிட்ட பலர் பிரதமர் போரிஸ் ஜோன்சனுக்கு இரங்கள் செய்தி பகிர்ந்து வருகின்றனர்.
பிரதமர் ஜோன்சனின் தந்தையான ஸ்டான்லியை 1963ல் Charlotte Johnson Wahl திருமணம் செய்து கொண்டார். இருவரும் 1979ல் விவாகரத்து செய்து கொண்டனர். இவர்களின் 16 ஆண்டு கால திருமண வாழ்க்கையில் ஒருமுறை Charlotte உளவியல் பாதிப்புக்கு இலக்கானதுடன், சுமார் 9 மாத காலம் உளவியல் மருத்துவமனையில் சிகிச்சையில் இருந்தார்.
பிரதமர் ஜோன்சன் உட்பட நான்கு முக்கிய பிரபலங்களுக்கு Charlotte தாயாரானார். பல்கலைக்கழகங்களுக்கான முன்னாள் அமைச்சர் ஜோ, பத்திரிகையாளர் ரேச்சல் மற்றும் சுற்றுச்சூழல் பிரச்சாரகர் லியோ ஆகியோர்கள் Charlotte-வின் பிள்ளைகள் ஆவார்கள்.
1988ல் அமெரிக்க பேராசிரியர் Nicholas Wahl என்பவரை திருமணம் செய்து கொண்டு Charlotte நியூயார்க் நகருக்கு குடிபெயர்ந்தார். 40 வயதில் பார்கின்சன் நோயால் பாதிக்கப்பட்டும் தொழில்முறை ஓவியராக தமது திறமையை நிரூபித்தவர் Charlotte Johnson Wahl என்பது குறிப்பிடத்தக்கது.
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
