மாயமான அழகிய இளம்பெண்... சக மாணவன் வெளியிட்ட அந்த புகைப்படம்: அமெரிக்காவில் ஒரு பரபரப்பு சம்பவம்
ப்ளோரிடாவில் அழகிய இளம்பெண் ஒருவர் மாயமான நிலையில், அவரை யாராவது பார்த்தீர்களா என கேட்டு புகைப்படம் ஒன்றை வெளியிட்டிருந்தார் அந்த பெண்ணின் சக மாணவர்.
ப்ளோரிடாவைச் சேர்ந்த Tristyn Bailey (13) என்ற மாணவி, ஒரு சியர் லீடராக இருந்தார். ஞாயிற்றுக்கிழமை அதிகாலை 1.12 மணிக்கு பிறகு அவரைக் காணவில்லை. ஆகவே, திங்கள் அன்று காலை 10 மணியளவில், Baileyயைக் காணவில்லை என அறிவிப்பு வெளியிட்டு பொலிசாரும் உள்ளூர் மக்களும் அவரைத் தேடி வந்தனர்.
இந்நிலையில், Baileyயுடன் படிக்கும் Aiden Fucci (14) என்ற மாணவர், பொலிசார் கார் ஒன்றின் பின்னால் நின்று ஒரு செல்பி எடுத்து, அதின் கீழ், நண்பர்களே யாராவது Baileyயைப் பார்த்தீர்களா என கேட்டிருந்தார்.
சமூக ஊடகம் ஒன்றில் வெளியான அந்த செல்பி, Bailey இறந்ததற்குப் பின், ஆனால் அவரது உடல் கண்டுபிடிக்கப்படுவதற்கு முன் வெளியிடப்பட்டதாக பொலிசார் கருதுகிறார்கள்.
இதற்கிடையில், உள்ளூரைச் சேர்ந்த ஒருவர், Aiden வீட்டுக்கு அருகிலுள்ள மரங்கள் அடர்ந்த பகுதி ஒன்றில், Bailey காணமல் போனதாக அறிவிக்கப்பட்டு 12 மணி நேரத்திற்குள் அவரது உடல் கிடப்பதைக் கண்டு பொலிசாருக்கு தகவலளித்துள்ளார்.
Aiden வெளியிட்ட அந்த செல்பி வழக்கில் முக்கியமான ஒன்றாக கருதப்படும் நிலையில், உடனடியாக பொலிசார் அவரைக் கைது செய்து காவலில் அடைத்துள்ளனர். பொதுவாக வயது வராத ஒருவர் குற்றச்செயல் ஒன்றில் ஈடுபட்டால், அவரது புகைப்படமோ பெயரோ ஊடகங்களில் வெளியாகாது என்பதை நம்மில் பல அறிந்திருப்போம்.
ஆனால், இந்த வழக்கைப் பொருத்தவரை, 14 வயதேயான குற்றவாளியின் புகைப்படம், பெயர் முதலான விவரங்களும், கொல்லப்பட்ட 13 வயதேயான இளம்பெண்ணின் புகைப்படம், பெயர் முதலான விவரங்களும் வெளியிடப்பட்டுள்ளமை முக்கியத்துவம் வாய்ந்ததாக கருதப்படுகிறது.
Aiden மீது கொலைக்குற்றச்சாட்டு பதிவு செய்யப்பட்டுள்ளது. இதற்கிடையில், அதிகாலை 1.12 மணிக்கு Bailey ஏன் தனியாக அந்த இடத்துக்குப் போனார் என்பது தெரியவில்லை. Bailey முழு உடையுடன்தான் இறந்து கிடந்துள்ளார் என்பதால் பாலியல் ரீதியாக மோசமாக அவருக்கு எதுவும் நடந்திருக்க வாய்ப்பில்லை என கருதப்படுகிறது.
Baileyயின் உடற்கூறு ஆய்வு, மற்றும் Aiden மீதான விசாரணைக்குப் பின் பல தகவல்கள் வெளியாகலாம் என எதிர்பார்க்கப்படுகிறது.