சுற்றுலா சென்ற இடத்தில் கடலில் மூழ்கிய 19 வயது பிரித்தானிய இளைஞர்: பாலியில் நடந்த சோகம்

British teen drowned in Bali during family vacation: இந்தோனேசியாவிற்கு குடும்பத்துடன் சுற்றுலா சென்ற பிரித்தானிய இளைஞர் கடலில் மூழ்கி உயிரிழந்த சம்பவம் சோகத்தை ஏற்படுத்தியுள்ளது.

சுற்றுலா சென்ற இடத்தில் 19 வயது பிரித்தானிய இளைஞர் உயிரிழப்பு

இந்தோனேசியாவிற்கு குடும்பத்துடன் சுற்றுலா சென்ற இங்கிலாந்தின் Wiltshire பகுதியில் உள்ள Swindon பகுதியை சேர்ந்த 19 வயது பிரித்தானிய இளைஞர் மிட்செல் அக்போர்ன் (Mitchell Ogbourne) தெற்கு பாலியின் Nusa Dua சொகுசு விடுதியின் கடலில் நீந்திக் கொண்டிருந்த போது எதிர்பாராதவிதமாக கடலில் மூழ்கி உயிரிழந்தார்.

இந்த சம்பவம் தொடர்பாக சாலிஸ்பரி நகரில் நடந்த மரண விசாரணையின் இறுதியில், மிட்செல் அக்போர்ன் கடல் அமைதியாகவும், ஆழமின்றியும் இருப்பதாக நினைத்தே நீந்தச் சென்றதாகவும், ஆனால் திடீரென ஏற்பட்ட எதிர்பாராத விபத்தினால் அவர் கடலில் தத்தளித்து உயிரிழக்க நேரிட்டதாக தெரிவிக்கப்பட்டுள்ளது.

அனிருத் - காவ்யா மாறன் ஆடம்பர திருமணம்: கிரீஸ் நாட்டிற்கு புறப்பட்ட இந்திய பிரபலங்கள்

கரையில் இருந்த மிட்செல் அக்போர்னின் பெற்றோர் லிசா மற்றும் பால் கடலில் தத்தளித்த மகனின் அலறல் சத்தம் கேட்டு கடலுக்குள் நீந்திச் சென்று உயிருக்கு போராடிய மகனை கரைக்கு கொண்டு வந்தனர்.

மேலும், அவசர உதவிக் குழுவினர் வருவதற்கு முன்னதாகவே அவர்கள் மிட்செல் அக்போர்னுக்கு தேவையான முதலுதவி சிகிச்சைகளை அளித்தனர்.

பின்னர் உள்ளூர் மருத்துவமனைக்கு அழைத்து செல்லப்பட்ட அவர் சிகிச்சை பலனின்றி உயிரிழந்ததாக அறிவிக்கப்பட்டார்.

இதையடுத்து அவரது உடல் தாயகத்திற்கு கொண்டு வரப்பட்டதை அடுத்து நடத்தப்பட்ட பிரேத பரிசோதனையில், மிட்செல் அக்போர்ன் நீரில் மூழ்கி உயிரிழந்ததே காரணம் என்பது உறுதிப்படுத்தப்பட்டுள்ளது.

இந்த துயர செய்தி அவரது சொந்த ஊர் மக்களிடையே பெரும் சோகத்தை ஏற்படுத்தியுள்ளது.