மீண்டும் சர்ச்சையில் பிரித்தானிய பிரதமர் ரிஷி: கேலி செய்யும் எதிர்க்கட்சி
பிரித்தானிய பிரதமர் ரிஷி சுனக், தேர்தக் பிரச்சாரத்திற்காக நாட்டின் ஏழ்மையான பகுதி ஒன்றிற்கு விலையுயர்ந்த முதுகுப்பையுடன் சென்ற விடயம் ஏற்கனவே பேசுபொருளாகியுள்ள நிலையில், தற்போது புதிய சர்ச்சை ஒன்றில் சிக்கியுள்ளார் ரிஷி.
Image: BACKGRID
சொன்னது ஒன்று செய்தது ஒன்று...
பிரித்தானிய பிரதமர் ரிஷி, தேர்தல் பிரச்சாரத்துக்காக இங்கிலாந்திலுள்ள Penzance என்னுமிடத்துக்கு ரயிலில் பயணம் செய்தார். அப்போது, ரயில் பயணம் அருமையாக உள்ளது, நான் ரயிலில் பயணிப்பதை புகைப்படம் வீடியோ எல்லாம் எடுத்து என் பிள்ளைகளுக்கு அனுப்பிவருகிறேன்.
நாம் எல்லாரும் இதேபோல குடும்பமாக ஒருமுறை ரயிலில் பயணிக்கலாம் என அவர்களிடம் கூறியிருக்கிறேன், என்றெல்லாம் ஊடகவியலாளர்களிடம் கூறியிருந்தார் ரிஷி.
Image: BACKGRID
ஆனால், ஆஹா ஓஹோவென ரயில் பயணத்தை புகழ்ந்துவிட்டு, திரும்பிவரும்போது ஹெலிகொப்டரில் பயணித்துள்ளார் ரிஷி.
ரயிலில் வீடு திரும்ப ரிஷிக்கு 55 பவுண்டுகள்தான் செலவாகும். ஆனால், ஹெலிகொப்டருக்கோ, சுமார் 2,500 பவுண்டுகள் செலவாகும்.
கேலி செய்யும் எதிர்க்கட்சி
இப்படி, ரிஷி சொல்வது ஒன்று செய்வது வேறொன்றாக இருக்க, எதிர்க்கட்சியான லேபர் கட்சி, ரிஷியின் ஹெலிகொப்டர் பயணத்தை கேலி செய்துள்ளது.
போட்டோஷாப் செய்யப்பட்ட புகைப்படம் ஒன்றில், ரிஷி ஹெலிகொப்டரில் பயணிப்பதுபோலவும், தன் நாயை கயிறு மூலம் பிடித்துக்கொண்டு செல்வதுபோலவும் ஒரு காட்சியை வெளியிட்டுள்ள லேபர் கட்சியினர், அந்த புகைப்படத்தின் கீழே, ரிஷி, தனது நாயுடன் வாக்கிங் செல்கிறார் என கேலியாக குறிப்பிட்டுள்ளனர்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |