லங்காசிறி FM
பேருந்துக்கு காத்திருந்த புலம்பெயர் மக்கள்... அசுர வேகத்தில் காரால் மோதிய கொடூரன்: பகீர் சம்பவம்
அமெரிக்காவின் டெக்சாஸ் மாகாணத்தில் புலம்பெயர் மக்களின் தங்கும் விடுதிக்கு வெளியே பேருந்துக்காக காத்திருந்தவர்கள் மீது கார் மோதிய சம்பவம் அதிர்ச்சியை ஏற்படுத்தியுள்ளது.
இது திட்டமிட்ட செயல்
கண்ணிமைக்கும் நொடியில் நடந்த அச்சம்பவத்தில் சிக்கி 7 புலம்பெயர் மக்கள் கொல்லப்பட்டுள்ளதாக தகவல் வெளியாகியுள்ளது. பொலிசார் தெரிவிக்கையில், இது திட்டமிட்ட செயலாக இருக்கவே அதிக வாய்ப்பு என குறிப்பிட்டுள்ளனர்.
Credit: Concho Valley Homepage
சம்பவம் நடந்த பகுதி தொடர்பான புகைப்படங்கள் காண்போரை கலக்கமடைய செய்துள்ளதாக சமூக ஊடக பக்கத்தில் பொதுமக்கள் தெரிவித்துள்ளனர். இச்சம்பவத்தில் 7 புலம்பெயர் மக்கள் கொல்லப்பட்டுள்ளதுடன், குறைந்தது 6 பேர்கள் காயங்களுடன் தப்பியதாகவும் கூறுகின்றனர்.
பிரவுன்ஸ்வில்லே பகுதியில் அமைந்துள்ள புகலிடக்கோரிக்கையாளர் தங்கும் விடுதிக்கு வெளியே பலர் சிட்டி பேருந்துக்காக காத்திருந்துள்ளனர். இந்த விவகாரத்தில் அந்த கார் சாரதியை பொலிசார் கைது செய்துள்ளதாகவும், 24 மணி நேரமும் கண்காணிக்கும் வகையில் நடவடிக்கையும் முன்னெடுக்கப்பட்டுள்ளதாக பொலிஸ் தரப்பு தெரிவித்துள்ளது.
@AP
கைதான நபர் ஸ்பானிய மொழி பேசும் லத்தீன் அமெரிக்கர் எனவும் பிரவுன்ஸ்வில்லில் வசிப்பவர் எனவும் தகவல் வெளியாகியுள்ளது. முதற்கட்ட விசாரணையில், குறித்த தாக்குதலானது திட்டமிட்ட செயல் என்றே பொலிஸ் தரப்பு உறுதி செய்துள்ளது.
மேலதிக வழக்குகள் பதியப்படும்
மேலும், தற்போது அந்த நபர் மீது கட்டுப்பாடற்ற முறையில் வாகனம் செலுத்தியதாக மட்டும் வழக்கு பதியப்பட்டுள்ளது. ஆனால் மேலதிக வழக்குகள் பதியப்படும் என பொலிஸ் தரப்பில் குறிப்பிடப்பட்டுள்ளது.
@AP
டெக்சாஸ் மாகாணத்தை பொறுத்த மட்டில் தொடர்ச்சியான இரண்டாவது சம்பவம் இது. ஆலன் பகுதியில் உள்ள வணிக வளாகம் ஒன்றில் துப்பாக்கிதாரி ஒருவர் வாடிக்கையாளர்கள் 8 பேர்களை சுட்டுக்கொன்ற சம்பவம் அதிர்வலைகளை ஏற்படுத்தியிருந்தது.
@reuters
நெடுந்தீவு மேற்கு, பாண்டியன்குளம், Scarborough, Canada, Whitby, Canada
13 Dec, 2024
நல்லூர், ஆனைக்கோட்டை, Lewisham, United Kingdom, Edgware, United Kingdom
11 Dec, 2024
உரும்பிராய் கிழக்கு, நவாலி வடக்கு, London, United Kingdom
07 Jan, 2025
புங்குடுதீவு 2ம் வட்டாரம், Netherland, United States, Switzerland, United States
09 Jan, 2015
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
