ஒரே ஓவரில் 29 ஓட்டங்கள்! புதிய வரலாறு படைத்த இந்திய கேப்டன் பும்ரா வீடியோ

இந்திய கேப்டன் ஜஸ்பிரீத் பும்ரா ஒரே ஓவரில் 29 ஓட்டங்கள் விளாசி சாதனை படைத்துள்ளார்.

இந்தியா-இங்கிலாந்து அணிகளுக்கு இடையிலான கடைசி டெஸ்ட் போட்டி பர்மிங்காமில் நடந்து வருகிறது. இந்திய அணியில் விக்கெட் கீப்பர் பண்ட் 146 ஓட்டங்கள் எடுத்தார்.

இன்று இரண்டாம் நாள் ஆட்டம் தொடங்கியது. தொடர்ந்து விளையாடிய ஜடேஜா சதம் விளாசினார். இது அவருக்கு 3வது டெஸ்ட் சதம் ஆகும். அவர் 194 பந்துகளில் 13 பவுண்டரிகள் விளாசி 104 ஓட்டங்கள் எடுத்து அவுட் ஆனார்.

BOOM BOOM BUMRAH IS ON FIRE WITH THE BAT ??

3️⃣5️⃣ runs came from that Broad over ?? The most expensive over in the history of Test cricket ?

Tune in to Sony Six (ENG), Sony Ten 3 (HIN) & Sony Ten 4 (TAM/TEL) - https://t.co/tsfQJW6cGi#ENGvINDLIVEonSonySportsNetwork #ENGvIND pic.twitter.com/Hm1M2O8wM1

— Sony Sports Network (@SonySportsNetwk) July 2, 2022

புதிதாக இந்திய அணியின் கேப்டனாகி இருக்கும் பும்ரா அதிரடியான பேட்டிங்கில் மிரட்டினார். இங்கிலாந்து வேகப்பந்து வீச்சாளர் ஸ்டூவர்ட் பிராட் ஓவரை அடித்து நொறுக்கிய அவர், இரண்டு சிக்ஸர் மற்றும் 4 பவுண்டரிகள் என ஒரே ஓவரில் 29 ஓட்டங்களை விளாசினார்.

அத்துடன் வைடு மற்றும் ஒரு ரன் உட்பட பிராட் ஓவரில் 35 ஓட்டங்களை இந்திய அணி குவித்தது. இதன்மூலம் டெஸ்ட் கிரிக்கெட்டில் ஒரே ஓவரில் அதிக ஓட்டங்கள் கொடுத்த பந்துவீச்சாளர் என்ற மோசமான சாதனைக்கு பிராட் சொந்தக்காரர் ஆனார்.

அதேபோல் இதற்கு முன்பு மேற்கிந்திய தீவுகள் அணியின் ஜாம்பவான் வீரர் பிரையன் லாரா ஒரு ஓவரில் 28 ஓட்டங்கள் எடுத்திருந்தார். அவரது சாதனையை பும்ரா தற்போது முறியடித்து வரலாற்று சாதனை படைத்துள்ளார். அதிலும் குறிப்பாக ஒரு பந்துவீச்சாளராக இருந்து அவர் இந்த சாதனையை செய்துள்ளார்.

இந்திய அணி தனது முதல் இன்னிங்சில் 416 ஓட்டங்களுக்கு ஆல்அவுட் ஆனது. கடைசி வரை களத்தில் இருந்த பும்ரா 16 பந்துகளில் 31 ஓட்டங்கள் எடுத்தார்.