லங்காசிறி FM
Number 10 North... பிரித்தானிய பிரதமரின் அடுத்த அதிரடி
பிரித்தானியாவின் புதிய பிரதமராக பொறுப்பேற்றுள்ள ஆன்டி பர்னாம், தான் பதவியேற்ற நாள் முதல் அதிரடியாக பல நடவடிக்கைகளை எடுத்துவருகிறார்.
இந்நிலையில், அவரது அடுத்த அதிரடி திட்டமான Number 10 North என்னும் விடயத்தை இன்று துவக்குகிறார் ஆன்டி பர்னாம்.
Number 10 North
பிரித்தானிய அரசியலைப் பொருத்தவரை, Number 10 என்பது பிரதமர் இல்லத்தைக் குறிக்கும். அதாவது அது பிரதமர் வாழும் வீடு மட்டுமல்ல, அது, அரசு தொடர்புடைய பல முக்கிய முடிவுகள் எடுக்கப்படும் பிரதமரின் அலுவலகமுமாகும்!
இந்நிலையில், பிரதமர் இல்லத்தில் செய்யப்பட்டுவந்த பல பணிகளை, புதிய பிரதமரான ஆன்டி பர்னாம், மான்செஸ்டருக்கு மாற்ற இருப்பதாக செய்திகள் வெளியாகிவந்தன. அதுதான், Number 10 North என அழைக்கப்படுகிறது.
அதாவது, அரசின் மையமாக செயல்படும் வெஸ்ட்மின்ஸ்டரில் நடைபெற்றுவந்த பணிகள் பலவற்றை Number 10 North என அழைக்கப்படும் மான்செஸ்டரிலுள்ள அலுவலகத்துக்கு மாற்ற முடிவு செய்துள்ளார் ஆன்டி பர்னாம்.
அத்துடன், அதிகாரத்தை, மேயர்களுக்கு பகிர்ந்தளிக்கவும் ஆன்டி பர்னாம் முடிவு செய்துள்ளார்.
மான்செஸ்டரிலுள்ள Heron House என்னும் கட்டிடத்தில்தான் இந்த Number 10 North அமைய உள்ளது.
முதல் கட்டமாக, ஆன்டி பர்னாம், இன்று, Number 10 North அலுவலகத்தில் மூத்த அமைச்சர்கள் மற்றும் மேயர்களுடன் கூட்டம் ஒன்றிற்கு தலைமை தாங்குகிறார்.
கூட்டத்தின் நோக்கம், பிரித்தானியாவை மேலும் சிறந்த நாடாக ஆக்குவதற்காக, அதிகாரப் பகிர்வை, அரசின் மைய இலக்காக மாற்றுவதாகும்.
அதாவது, அரசின் அனைத்துப் பணிகளும் லண்டனை மையமாகக் கொண்டு செயல்பட்டுவந்த நிலையில், அதிகாரத்தை, மேயர்கள், உள்ளூர் தலைவர்கள் முதலானோருடன் பகிர்ந்துகொள்ள திட்டமிட்டுவரும் ஆன்டி பர்னாம், முதல் கட்டமாக இன்று Number 10 North அலுவலகத்தில் கூட்டம் ஒன்றை நடத்துவதுடன், இனி வாரந்தோறும் அங்கு சென்று பணிகளை மேற்கொள்ளவும் முடிவு செய்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோப்பாய், Sudbury Hill, United Kingdom, Ealing, United Kingdom
27 Jul, 2026
சரவணை, கொய்யாத்தோட்டம், யாழ்ப்பாணம், Osterode am Harz, Germany
13 Aug, 2016
பருத்தித்துறை, Kirchheim Unter Teck, Germany, சிவிக்ஸ் சென்டர்,வட்டக்கச்சி
11 Aug, 2025
கொக்குவில் கிழக்கு, கோண்டாவில் கிழக்கு, Mississauga, Canada
13 Aug, 2020
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
