இளவரசர் சார்லஸ்-டயானா திருமணத்தில் வெட்டிய ஒரு துண்டு கேக் ஏலத்துக்கு வருகிறது!
பிரித்தானிய இளவரசர் சார்லஸ் மற்றும் இளவரசி டயானாவின் திருமண விழாவில் வெட்டப்பட்ட ஒரு கேக் துண்டு தற்போது ஏலத்திற்கு வருகிறது.
இளவரசர் சார்லஸ் மற்றும் இளவரசி டயானாவின் திருமணம் 1981-ஆம் ஆண்டு ஜூலை 29-ஆம் திகதி நடைபெற்றது. அப்போது 23 வெவ்வேறு கேக்குகள் வெட்டப்பட்டன.
அதாவது 40 ஆண்டுகளுக்கு முன் ஒரு பிரித்தானியா அரச திருமண விழாவில் வெட்டப்பட்ட, ஒரு குறிப்பிட்ட கேக்கிலிருந்து, வெறும் 28 அவுன்ஸ் (794 கிராம்) எடையுள்ள ஒரு துண்டு கேக் தான் தற்போது ஏலத்திற்கு வருகிறது.
இந்த ஒரு துண்டானது, 5 அடி உயரம் மற்றும் 225 பவுண்ட் (102 கிலோ) எடை கொண்ட ஒரு 5 அடுக்கு கேக்கிலிருந்து வெட்டப்பட்டதாகும்.
இந்த ஒரு துண்டு - தங்கம், சிவப்பு, நீலம் மற்றும் வெள்ளி நிறத்தில் ஒரு கோட்-ஆஃப்-ஆர்ம்ஸ், ஒரு வெள்ளி குதிரை லாடம் மற்றும் இலை தெளிப்பு மற்றும் சில வெள்ளை அலங்கார ஐசிங் ஆகியவற்றைக் கொண்டுள்ளது.
ராணி அம்மாவுக்காக கிளாரன்ஸ் ஹவுஸில் பணிபுரிந்த Moyra Smith-க்கு இந்த துண்டு கேக் வழங்கப்பட்டது, இது ஊழியர்களுக்கு அனுப்பப்பட்ட கேக் ஒன்றிலிருந்து வந்ததாக தெரிகிறது என்று ஏலதாரர் கூறினார்.
இந்த கேக் துண்டு 2008-ஆம் ஆண்டு Dominic Winter எனும் ஒருவர ஏலத்தில் வாங்கினார்.
இந்நிலையில், இந்த கேக் துண்டு மீண்டும் வரும் ஆகஸ்ட் 9 அல்லது 10-ஆம் திகதி ஏலத்திற்கு வருகிறது. இந்த கேக் தற்போது 200 முதல் 300 பவுண்ட்களுக்கு ஏலம் போகும் என எதிர்பார்க்கப்படுகிறது.