லங்காசிறி FM
இந்த உலோகத்தில் 1 கிராம் விற்றாலே 200 கிலோ தங்கம் வாங்கலாம்
தங்கம், வைரம், பிளாட்டினம் போன்ற உலோகங்களே விலை உயர்ந்தது என்று பலரும் நினைக்கலாம். ஆனால் இந்த உலோகம் ஒரு கிராம் மட்டுமே 200 கிலோ தங்கத்தின் மதிப்பிற்கு சமம்.
200 கிலோ தங்கம்
அப்படியான மதிப்புமிக்க உலோகம்தான் கலிபோர்னியம். ஒரு கிராம் கலிபோர்னியத்தின் விலை சுமார் 27 மில்லியன் டொலர். இதன் இந்திய மதிப்பு கிட்டத்தட்ட 240 கோடி ரூபாய்.
தற்போதைய நிலவரப்படி 1 கிலோ தங்கமே 1.2 கோடி ரூபாய் தான். ஆனால் 1 கிராம் கலிபோர்னியத்திற்கு 200 கிலோ தங்கம் வாங்கலாம். கலிபோர்னியம் என்பது மற்ற உலோகங்களை போல பூமியில் வெட்டி எடுப்பது கிடையாது.
இது ஆய்வகத்தில் மனிதனால் உருவாக்கப்பட்ட ஒரு செயற்கை கதிரியக்க தனிமம். கடந்த 1950ல் அமெரிக்காவின் பெர்க்லி, கலிபோர்னியா பல்கலைக்கழக ஆராய்ச்சியாளர்களால் இது முதன் முதலில் உருவாக்கப்பட்டது.
அதன் நினைவாகவே இதற்கு கலிப்போர்னியம் என்று பெயரிடப்பட்டது. அணு உலைகளில் மிகச் சிக்கலான செயல்முறைகள் மூலம் உருவாக்கப்படும் இந்த உலோகம், உலகின் சில இடங்களில் மட்டுமே தயாரிக்கப்படுகிறது.
இதனால் தான் இதற்கான தட்டுப்பாடும் நிலவுகிறது. இவ்வளவு விலை உயர்ந்ததாக குறிப்பிடப்படும் உலோகத்தின் பயன்களுமே மிக விலை உயர்வானவை தான். குறிப்பாக புற்றுநோய் செல்களை மிகத் துல்லியமாகத் தாக்கி அழிக்க கலிபோர்னியம் 252 பயன்படுத்தப்படுகிறது.
சவாலான உலோகம்
மருத்துவ உலகில் மிக பயனுள்ள ஒரு வரப்பிரசாதமாக பார்க்கப்படுகிறது. அணுமின் நிலையங்களில் உலைகளை தொடங்கி வைக்க, ஒரு ஸ்பார்க் ப்ளக் போலவும் செயல்படுகிறதாம். அதுமட்டுமல்ல பூமியின் ஆழத்தில் இருக்கும் கனிமங்கள் மற்றும் எண்ணெய் வளங்களை அடையாளம் காணவும் பயன்படுகிறது.
இது மிகக் கடுமையான கதிரியக்கத்தை கொண்டது. எந்தளவுக்கு விலை உயர்ந்ததோ, அரிதான உலோகமோ, அதே அளவுக்கு சவாலான உலோகமும் கூட. இதை நேரடியாக கையாள்வது எலும்புகளை பாதிக்கும் மற்றும் மரபணு மாற்றங்களை உண்டாக்கும்.
எனவே இது மிகவும் பாதுகாப்பான கவசங்களுக்கு பின்னாலேயே கையாளப்படுகிறது. இது மிக நுண்ணிய அளவுடைய உலோகம் என்றாலும், அதன் பலன்கள் மிகப்பெரியவை. அதனால் ஏற்படும் பிரச்சனைகளும் அதிகம் தான்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
