நவம்பர் மாதத்தை இந்து பாரம்பரிய மாதமாக கொண்டாடும் கனடா!

லிபரல் கட்சி எம்.பி.யான சந்திரா ஆர்யா, நவம்பர் மாதத்தை இந்து பாரம்பரிய மாதமாகக் குறிக்க தனி உறுப்பினர் தீர்மானத்தைத் தொடங்கினார்.

அது பின்னர் செப்டம்பர் 29 அன்று நாடாளுமன்றத்தில் ஒருமனதாக நிறைவேற்றப்பட்டது.

பல கலாச்சாரங்களை கொண்ட நாடான கனடாவின் வளர்ச்சியில், இந்து சமூகத்தின் குறிப்பிடத்தக்க பங்களிப்பை அங்கீகரிக்க முதல் முறையாக நவம்பர் மாதத்தை அதன் தேசிய இந்து பாரம்பரிய மாதமாக கொண்டாடுகிறது.

ஆளும் லிபரல் கட்சி எம்.பி.யான சந்திரா ஆர்யா, இந்த ஆண்டு மே மாதம், நவம்பர் மாதத்தை இந்து பாரம்பரிய மாதமாக (HHM) குறிக்கும் வகையில் தனி உறுப்பினர் தீர்மானத்தைத் தொடங்கினார், இது பின்னர் செப்டம்பர் 29 அன்று நாடாளுமன்றத்தில் ஒருமனதாக நிறைவேற்றப்பட்டது.

நவம்பர் 1-ஆம் திகதி எம்.பி. ஆர்யா தனது ட்விட்டர் பக்கத்தில் “இன்று நான் பாராளுமன்ற மலையில் இந்து புனித சின்னமான ஓம் கொண்ட கொடியை உயர்த்துவதன் மூலம் கனடாவின் தேசிய இந்து பாரம்பரிய மாதத்தின் வரலாற்று தொடக்கத்தை குறித்தேன். Hindu Heritage Month ஆனது 830,000 இந்து-கனேடியர்களின் நமது நாட்டிற்கும் இந்து பாரம்பரியத்திற்கும் மனித குலத்திற்கு அளித்த பங்களிப்பை அங்கீகரிக்க ஒரு வாய்ப்பை வழங்குகிறது" என்று எழுதினார்.

கனடா பிற மதங்களின் பாரம்பரிய மாதத்தையும் குறிக்கிறது, இதில் ஏப்ரல் மாதம் சீக்கிய பாரம்பரிய மாதமாகவும், மே மாதத்தை கனேடிய யூத பாரம்பரிய மாதமாகவும், அக்டோபர் மாதம் கனேடிய இஸ்லாமிய வரலாற்று மாதமாகவும் உள்ளது.

Today I marked the historic beginning of Canada’s national Hindu Heritage Month by raising a flag with Hindu sacred symbol Aum?️on parliament hill
HHM provides opportunity to recognize the contributions of 830,000 Hindu-Canadians to our country & of Hindu Heritage to the mankind pic.twitter.com/s6UMOLORLt

— Chandra Arya (@AryaCanada) November 1, 2022

பாரம்பரிய மாதத்தின் நோக்கம் அறிவியல், கல்வி மற்றும் மருத்துவம், சட்டம், அரசியல், வணிகம், கலாச்சாரம் மற்றும் விளையாட்டு உள்ளிட்ட பல்வேறு துறைகளில் நாட்டின் இந்து சமூகத்தின் குறிப்பிடத்தக்க பங்களிப்பைக் கொண்டாடுவதும், அங்கீகரிப்பதும் ஆகும்.