லங்காசிறி FM
கனடாவில் 7 வயது மகளுடன் மாயமான தந்தை! கடத்தி சென்றாரா? வேதனையில் தவிக்கும் தாயார்
கனடாவில் காணாமல் போன தந்தை மற்றும் மகள் வழக்கில் தந்தை மீது கடத்தல் பிரிவில் வழக்கு பதியப்பட்டுள்ளது.
அவர் கைதாவதை தவிர்க்க உதவி செய்பவர்கள் மீதும் குற்ற வழக்குகள் பாயும் என Saskatchewan பொலிசார் எச்சரிக்கை விடுத்துள்ளனர்.
Michael Gordon Jackson (52) என்பவர் தனது மகள் Sarah Jackson (7) ஐ கடத்தி சென்றுள்ளார் எனவும் பொலிசார் கண்ணில் படாமல் அவர் தலைமறைவாக உள்ளார் எனவும் நம்பப்படுகிறது.
அவரைக் கைது செய்ய கனடா முழுவதும் வாரண்ட் பிறப்பிக்கப்பட்டுள்ளது. இருவரும் மணிடோபாவில் இருக்கலாம் என பொலிசார் கருதுகின்றனர்.
இருவரும் கடந்த 5ஆம் திகதி முதல் காணாமல் போயுள்ளனர். பொலிசார் விடுத்துள்ள அறிக்கையில், Sarah, நீ எந்த பிரச்சினையிலும் சிக்காமல் இருக்கிறாயா என்பதை நாங்கள் அறிய விரும்புகிறோம். உன்னை உன் தாயார் காணாமல் தவித்து வருகிறார் என தெரிவிக்கப்பட்டுள்ளது.
தொடர்ந்து பொலிசார் இருவரையும் தேடி வருகின்றனர்.
