கனடாவில் வாழ்ந்துவந்த இந்திய இளம்பெண்ணுக்கு நேர்ந்த கொடுமை: குற்றவாளி தலைமறைவு

India Canada

By Balamanuvelan Dec 05, 2022 06:14 AM GMT

Balamanuvelan

in கனடா

Report

கனடாவின் பெட்ரோல் நிலையம் ஒன்றில் பணியாற்றிவந்த இந்திய இளம்பெண் ஒருவர் சடலமாக மீட்கப்பட்ட விடயம் சோகத்தை ஏற்படுத்தியுள்ளது.

பொலிசாருக்குக் கிடைத்த தகவல்

சனிக்கிழமை இரவு, 10.40 மணியளவில், Mississauga நகரில் அமைந்துள்ள பெட்ரோல் நிலையம் ஒன்றில், துப்பாக்கிச்சூடு நடந்ததாக பொலிசாருக்கு தகவல் கிடைத்துள்ளது.

பொலிசார் அங்கு விரைந்தபோது, இந்திய இளம்பெண் ஒருவர் துப்பாக்கியால் சுடப்பட்டுக் கிடந்துள்ளார். உடலில் பல இடங்களில் குண்டுபாய்ந்து அவர் உயிருக்குப் போராடிக்கொண்டிருந்த நிலையில், அவசர உதவிக்குழுவினர் அவரைக் காப்பாற்ற எடுத்த முயற்சிகள் பலனளிக்காமல், அவர் உயிரிழந்துள்ளார்.

பஞ்சாபைச் சேர்ந்த அந்த பெண் கனடாவில் Bramptonஇல் வாழ்ந்துவந்துள்ளார். அவரது பெயர் Pawanpreet Kaur (21) என பொலிசார் தெரிவித்துள்ளனர்.

கனடாவில் வாழ்ந்துவந்த இந்திய இளம்பெண்ணுக்கு நேர்ந்த கொடுமை: குற்றவாளி தலைமறைவு | Canada Inda Canadian Woman Killed

Credit: Peel Regional Police/Twitter

தலைமறைவாகியுள்ள குற்றவாளி

Pawanpreet Kaurஐ சுட்டுக்கொன்ற நபர், அங்கிருந்து கால்நடையாகவே தப்பிச் சென்றுள்ளார். பொலிசார் அவர் குறித்து வெளியிட்டுள்ள தகவலில், அடர் வண்ண ஆடை அணிந்த ஆண் என குறிப்பிடப்பட்டுள்ளது. இது தனிப்பட்ட விரோதம் காரணமான தாக்குதலாக இருக்கலாம் என பொலிசார் கருதுகிறார்கள்.

இந்த சம்பவம் குறித்து பொதுமக்கள் யாருக்காவது ஏதாவது தகவல் தெரிந்தாலோ, தங்கள் வீடுகள் அல்லது காரில் உள்ள கமெரா எதிலாவது ஏதாவது காட்சிகள் பதிவாகியிருந்தாலோ, தங்களுக்குத் தகவல் தெரிவிக்குமாறு பொலிசார் பொதுமக்களைக் கேட்டுக்கொண்டுள்ளார்கள்.

மேலும் கனடா செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்