லங்காசிறி FM
கனடாவில் மசாஜ் நிலையம் வந்த பெண்ணுக்கு நேர்ந்த சங்கடம்! கைது செய்யப்பட்ட நபர்
கனடாவில் மசாஜ் நிலையத்துக்கு வந்த பெண்ணிடம் தவறாக நடந்து கொண்ட சம்பவத்தில் கைது செய்யப்பட்ட நபரின் முதல் புகைப்படம் வெளியிடப்பட்டுள்ளது.
ரொறன்ரோவில் தான் இச்சம்பவம் கடந்த டிசம்பர் மாதம் 11ஆம் திகதி நடந்துள்ளது.
அன்றைய தினம் யார்க்வில் அவென்யூ பகுதியில் உள்ள மசாஜ் நிலையத்துக்கு வந்த இளம்பெண் Chonjor Tenpa என்ற 47 வயது நபரிடம் மசாஜ் செய்து கொண்டார்.
அப்போது அப்பெண் மீது Chonjor Tenpa பாலியல் தாக்குதல் நடத்தியிருக்கிறார். இது குறித்த புகாரின் பேரில் விசாரித்த பொலிசார் குற்றவாளியை கடந்த ஜனவரி மாதம் 22ஆம் திகதி கைது செய்தனர்.
அவரின் புகைப்படம் இதுவரையில் வெளியிடப்படாமல் இருந்த நிலையில் தற்போது வெளியிடப்பட்டுள்ளது. ஏனெனில் Chonjor Tenpaவால் மேலும் பல பெண்கள் பாதிக்கப்பட்டிருக்கலாம் என கருதும் பொலிசார் அவர் புகைப்படத்தை வெளியிட்டுள்ளனர்.
இது தொடர்பில் தகவல் தெரிந்தவர்கள் தங்களிடம் பேசலாம் என பொலிசார் கூறியுள்ளனர்.
