லங்காசிறி FM
கனடாவில் தாயார் ஒருவர் கொலை செய்யப்பட்ட சம்பவத்தில் மகன் கைது! வெளிவரும் பின்னணி
கனடாவில் பெற்ற தாயை கொலை செய்ததாக மகன் மீது வழக்குப்பதிவு செய்யப்பட்டுள்ளது.
அதன்படி Airdrie நகரை சேர்ந்த 48 வயதான Melanie Lowen கொலை வழக்கில் அவர் மகன் Alexander James Thorpe (20) கைது செய்யப்பட்டுள்ளார்.
கடந்த வியாழன் அன்று இளைஞர் ஒருவருக்கு மருத்துவ உதவி தேவைப்படுவதாக பொலிசாருக்கு அவசர தகவல் வந்த நிலையில் குறிப்பிட்ட இடத்துக்கு அவர்கள் சென்றனர்.
பின்னர் அங்கிருந்த நபருக்கு மனநல பிரச்சினை இருந்ததையடுத்து மருத்துவமனைக்கு அழைத்து செல்லப்பட்டார். இதை தொடர்ந்து அருகே இருந்த குடியிருப்பில் மர்மமான முறையில் உயிரிழந்த நிலையில் பெண் ஒருவரின் சடலம் கண்டெடுக்கப்பட்டது.
உயிரிழந்த பெண் Melanie எனவும் அவர் கொலை செய்யப்பட்டார் எனவும் பிரேத பரிசோதனைக்கு பின்னர் தெரியவந்தது. இது தொடர்பில் அவர் மகன் Alexander-ஐ கைது செய்துள்ள பொலிசார் அவர் மீது கொலை வழக்கு பதிவு செய்துள்ளனர்.
தற்போது காவல் வைக்கப்பட்டுள்ள Alexander விரைவில் நீதிமன்றத்தில் ஆஜர்படுத்தப்படவுள்ளார்.
