DUI குற்றம் சாட்டப்பட்ட ஒருவர் கனடாவிற்குள் நுழைவது எப்படி?

கனடாவில் 2018 முதல், DUI குற்றச்சாட்டுகள் கடுமையான குற்றச்செயல்களாக அங்கீகரிக்கப்பட்டுள்ளன. இருப்பினும், இந்த குற்றச்சட்டுக்களை உடையவர்கள் கனடாவிற்குள்ள நுழைய அனுமதிக்க வாய்ப்புகள் உள்ளன.

மது, கஞ்சா அல்லது ஏதேனும் போதைப்பொருளின் போதையில் வாகனம் ஓட்டியதற்காக குற்றம் சாட்டப்படுவது DUI (Driving Under the Influence) என கூறப்படுகிறது.

பெரும்பாலான சந்தர்ப்பங்களில் ஒருவர் மீது DUI குற்றச்சாட்டு இருந்தால் அவர் கனடாவிற்குள் கனடாவிற்குள் நுழைவதில் சிக்கல் இருக்கலாம்.

கனடாவில் கடுமையான DUI சட்டங்கள் உள்ளன, மேலும் 2018-ல் கஞ்சா சட்டப்பூர்வமாக்கப்பட்டபோது அந்த சட்டங்கள் மேலும் வலுப்படுத்தப்பட்டது.

DUI குற்றச்சாட்டுக்கான அதிகபட்ச தண்டனையை 5 ஆண்டுகளில் இருந்து 10 ஆண்டுகள் சிறை தண்டனையாக மாற்றப்பட்டது. இதன் விளைவாக, கனடிய குடிவரவுச் சட்டத்தின் கீழ் DUI இப்போது கடுமையான குற்றமாக கருதப்படுகிறது.

கோட்பாட்டின்படி, கடுமையான குற்றச்செயல்கள் கனடாவுக்குள் நிரந்தரமாக நுழைவதைத் தடை செய்வதற்கான அடிப்படையாக இருக்கலாம். ஆனால் நடைமுறையில், DUI குற்றம் சட்டப்பட்டவர்கள் கனடாவிற்குள் நுழைவதற்கு 3 முக்கிய வழிகள் உள்ளன.

குற்றத்தின் வகை, நீங்கள் எத்தனை முறை செய்தீர்கள், அதன் தீவிரம் மற்றும் உங்கள் தண்டனை முடிந்தது எப்போது ஆகியவற்றைக் கருத்தில் கொண்ட பிறகு, அந்த நபர் நாட்டிற்குள் நுழைய அனுமதிக்கலாம்.

பல ஆண்டுகளுக்கு முன்பு குற்றத்தைச் செய்திருந்தாலும், கனேடிய எல்லைக்கு வரும்போது அது ஒருவரின் பதிவில் காண்பிக்கப்படலாம்.

மூன்று வழிகள் என்னென்ன?

தற்காலிக குடியுரிமை அனுமதி (TRP), குற்றவியல் மறுவாழ்வு மற்றும் சட்டப்பூர்வ கருத்துக் கடிதத்தைப் பெறுதல்.

தற்காலிக குடியுரிமை அனுமதி (Temporary Resident Permit)

ஒருவர் DUI தண்டனை முடிந்து ஐந்து ஆண்டுகள் ஆகவில்லை என்றால், ஒரு தற்காலிக குடியுரிமை அனுமதிக்கு (TRP) விண்ணப்பிக்க வேண்டும். அது அங்கீகரிக்கப்பட்டால், TRP மூன்று ஆண்டுகள் வரை செல்லுபடியாகும்.

அந்த நபர் கனடாவிற்குள் நுழைய அனுமதிக்கும் கட்டாயமான காரணத்தை IRCC-க்கு வழங்க வேண்டும். அவர் கனேடிய பொதுமக்களுக்கு அச்சுறுத்தலாக இல்லை என்பதை IRCC உறுதிசெய்ய வேண்டும்.

குற்றவியல் மறுவாழ்வு (Criminal Rehabilitation)

DUI தண்டனை முடிந்து ஐந்து ஆண்டுகள் ஆகியிருந்தால், Criminal Rehabilitation-க்கு விண்ணப்பிக்க அந்த நபர் தகுதியுடையவராக இருக்கலாம். ஆனால் DUI தண்டனை முடிந்ததிலிருந்து 10 ஆண்டுகளுக்குள் இருக்கவேண்டும்.

விண்ணப்பம் அங்கீகரிக்கப்பட்டால், வேறொரு குற்றத்தைச் செய்யாத வரை, அந்த நபரின் குற்றப் பதிவு இனி கனடாவுக்குள் நுழைவதற்குத் தடையாக இருக்காது. அவ்வாறு 10 ஆண்டுகள் அல்லது அதற்கு மேல் சென்றால், அந்த நபரின் ஸ்லேட் சுத்தமாக துடைக்கப்படும் மற்றும் எதிர்காலத்தில் அவர் வேறு எந்த குற்றங்களையும் செய்ய மாட்டார்கள் என்று கருதி கனடாவிற்குள் நுழைய முடியும்.

சட்டக் கருத்துக் கடிதம் (Legal Opinion Letter)

ஒருவர் தற்போது DUI-ல் குற்றம் சாட்டப்பட்டிருந்தாலும், இதுவரை எந்த குற்றமும் சாட்டப்பட்டவில்லை (criminal history) என்றால், நீங்கள் கனடாவில் நுழைய அனுமதிக்கப்படலாம்.

இருப்பினும், கனடா எல்லை சேவைகள் முகமை (CBSA) அதிகாரிகள் இந்த நிகழ்வுகளில் விருப்புரிமையைப் பெற்றுள்ளனர், மேலும் அவர்கள் உங்களை கனடாவிற்குள் அனுமதிப்பதால் ஏற்படும் நன்மைகள் மற்றும் அபாயங்களை எடைபோடுவார்கள்.