லங்காசிறி FM
கனடாவிலுள்ள இந்து கோவில் மீது இந்தியாவிற்கு எதிராக வாசகம்: காவல்துறை விசாரணை!
கனடாவின் வின்ட்சார் நகரில் இந்து கோவில் சுவற்றின் மீது கருப்பு மை பூசப்பட்டு, வெறுப்புணர்ச்சியை தூண்டும் வகையில் வாசகங்கள் எழுதப்பட்டுள்ளன.
இந்து கோவில் சேதம்
கனடாவின் வின்ட்சார் நகரிலுள்ள இந்து கோவிலின் வெளிப்புற சுவரின் மீது கருப்பு மை தெளித்து இந்துக்களுக்கு எதிரான மற்றும் இந்தியாவுக்கு எதிராக வெறுப்புணர்ச்சியை தூண்டும் வகையிலான வாசகங்கள் எழுதப்பட்டுள்ளன.
@ndtv
இதனை வின்ட்சார் நகர காவல் துறையினர் பார்வையிட்டு விசாரணை செய்து வருகிறார்கள். இந்த சம்பவத்தில் ஈடுபட்ட 2 பேர் தேடப்பட்டு வருவதாக காவல்துறையினர் தெரிவித்துள்ளனர்.
இச்சம்பவம் நேற்றிரவு 11 மணி முதல் அதிகாலை 1 மணிக்குள் நடந்திருக்க கூடும் என பொலிஸார் தெரிவித்துள்ளனர். அது பற்றிய வீடியோவும் வெளியிடப்பட்டுள்ளது.
தொடரும் எதிர்ப்புகள்
அந்த வீடியோவில் முழுவதும் கருப்பு உடையில், முகங்களை மூடியபடி இரண்டு பேர் வருகின்றனர். அவர்களில் ஒருவர் தொலைவில் நின்றபடி யாரேனும் வருகிறார்களா? என கவனித்தபடியும் மற்றொரு நபர், விரைவாக சுவற்றில் கருப்பு மை கொண்டு எழுதும் காட்சிகளும் இடம் பெற்று உள்ளன.
ஏற்கனவே அவுஸ்திரேலிய மெல்போர்ன் நகரில் மில் பார்க் என்ற இடத்தில் சுவாமி நாராயண் இந்து கோவில் மீது கடந்த ஜனவரி 12-ந்தேதி காலிஸ்தான் ஆதரவாளர்கள் திடீர் தாக்குதல் நடத்தி, இந்தியாவுக்கு எதிரான வாசகங்களையும் அதில் எழுதி இருந்தது பரபரப்பு ஏற்படுத்தியது.
இதனை தொடர்ந்து, கடந்த ஜனவரி 16-ந்தேதி மற்றொரு இந்து கோவில் மீது காலிஸ்தான் ஆதரவாளர்கள் தாக்குதல் நடத்திய சம்பவம் தெரிய வந்தது.
கேரம் டவுன்ஸ் நகரில் உள்ள சிவ விஷ்ணு கோவில் மீது தாக்குதல் நடத்தப்பட்டது.
வின்ட்சார் நகரில் நடைபெற்ற சம்பவத்திற்கு இந்திய தூதரகத்தின் ஜெனரல் “நாங்கள் இதனை வன்மையாக கண்டிக்கிறோம். கனடா காவல் துறை இது தொடர்பாக விசாரணை செய்து உரிய நடவடிக்கை எடுக்க வேண்டும்” என கூறியுள்ளார்.
புங்குடுதீவு 9ம் வட்டாரம், மடத்துவெளி புங்குடுதீவு, சுன்னாகம், கொழும்பு, Brampton, Canada
09 May, 2026
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
