அமெரிக்காவிற்கு மின்வெட்டு அச்சுறுத்தல்., வலியை உணர்த்த கனடாவின் நடவடிக்கை

அமெரிக்கா விதித்த வரிகளை எதிர்த்து கனடா கடும் நடவடிக்கை எடுக்கத் தொடங்கியுள்ளது.

அமெரிக்க ஜனாதிபதி டொனால்ட் ட்ரம்ப் கனடா மற்றும் மெக்சிகோவிலிருந்து இறக்குமதி செய்யப்படும் பொருட்களுக்கு 25 சதவீதம் வரி மற்றும் 10 சதவீதம் எரிசக்தி வரி விதித்துள்ளார்.

கனடாவில் ஏப்ரல் 1 முதல் குறைந்தபட்ச ஊதியம் உயர்வு

இதற்கு எதிராக ஒன்ராறியோ Premier டக் ஃபோர்டு (Doug Ford) கடும் பதிலடி அளித்துள்ளார்.

"அவர்கள் ஒன்ராறியோவை அழிக்க முயற்சிக்க விரும்பினால், அவர்களுக்கான மின்சாரத்தை துண்டிப்பது உட்பட அனைத்தையும் செய்வேன், என் முகத்தில் புன்னகையுடன்" என்று ஃபோர்டு ஒரு செய்தியாளர் சந்திப்பின் போது அறிவித்தார்.

அமெரிக்காவை மறுபரிசீலனை செய்ய வைக்க ஒரே வழி, விளைவுகளை உணர வைப்பதுதான் என்று ஃபோர்டு நம்புகிறார்.

"அவர்கள் எங்கள் மின்சாரத்தை நம்பியிருக்கிறார்கள்; அவர்கள் வலியை உணர வேண்டும்"என்று அவர் கூறினார்.

ஃபோர்டின் எதிர்வினை நடவடிக்கைகள்
மின்சாரம் மற்றும் எரிசக்தி ஏற்றுமதி நிறுத்தம்

கனடா, அமெரிக்காவுக்கு மிகப்பெரிய எரிசக்தி வழங்கும் நாடாகும். ஒன்ராறியோ, கியூபெக், மணிடோபா, பிரிட்டிஷ் கொலம்பியா மாநிலங்களை அமெரிக்கா நம்பியிருக்கிறது.

புதிய வரிகள் அமெரிக்காவின் மத்திய மேற்கு மாநிலங்களில் எரிசக்தி விலைகளை உயர்த்தும்.

$100 மில்லியன் மதிப்புள்ள ஸ்டார்லிங்க் ஒப்பந்தம் ரத்து

கனடாவின் தொலைத்தொடர்பை மேம்படுத்த எலோன் மஸ்க்கின் SpaceX நிறுவனத்துடன் 100 மில்லியன் டொலர் ஒப்பந்தம் செய்யப்பட்டது.

15,000 வீடுகளுக்கும் நிறுவனங்களுக்கும் இன்டர்நெட் வழங்க இருந்த இத்திட்டம் தற்போது ரத்து செய்யப்பட்டுள்ளது.

அமெரிக்க மதுபான விற்பனை தடைவிதிப்பு

ஒன்ராறியோவில் அமெரிக்க மதுபானங்களை அகற்ற நடவடிக்கை எடுக்கப்பட்டுள்ளது.

"ட்ரம்ப் கனடியர்களின் நிலைப்பாட்டை முறையாக புரிந்துகொள்ளவில்லை. நாங்கள் எதற்கும் தயாராக இருக்கிறோம்." என ஃபோர்டு கூறினார்.

கனடா அறிவித்த புதிய express entry முறை; பல துறைகளில் வேலைவாய்ப்பு

அமெரிக்காவுக்கு பாதிப்பு

கனடாவின் எதிர்மறை நடவடிக்கைகள் அமெரிக்காவிற்கும், குறிப்பாக மிச்சிகன், மின்னசோட்டா, நியூயார்க் ஆகிய பகுதிகளுக்கும் அதிக பொருளாதார சிக்கல்களை உருவாக்கும்.

உயரும் எரிசக்தி விலைகள், இன்டர்நெட் சேவைகளின் பாதிப்பு மற்றும் மதுபான வணிகத்திற்கான தடைகள் அமெரிக்காவுக்கு அழுத்தம் கொடுக்கும்.

"கனடா மீது வரி விதிப்பது, உண்மையில் அமெரிக்கர்களை பாதிக்கக்கூடிய ஒரு தீர்மானம்," என ஃபோர்டு கண்டனம் தெரிவித்துள்ளார்.

இழப்பீடு வாங்கிய பயணிக்கு எதிராக Air Canada வழக்கு