லங்காசிறி FM
பிரான்சில் வெடித்துள்ள கலவரம்: கனேடியர்களுக்கு விடுக்கப்பட்டுள்ள எச்சரிக்கை
பிரான்சில் 17 வயது இளைஞர் ஒருவர் பொலிசாரால் சுட்டுக்கொல்லப்பட்டதைத் தொடர்ந்து அங்கு பெரும் கலவரம் வெடித்துள்ளதால், பிரான்ஸ் செல்லும் கனடா நாட்டவர்கள் மிகவும் கவனமாக இருக்குமாறு எச்சரிக்கப்பட்டுள்ளனர்.
பிரான்சில் வெடித்துள்ள கலவரம்
செவ்வாய்க்கிழமை காலை, பிரான்ஸ் தலைநகர் பாரீஸ் புறநகர் பகுதியான Nanterre என்னுமிடத்தில், விதிகளை மீறியதாக ஒரு காரை பொலிசார் நிறுத்தச் சொல்லியதாகவும், அந்தக் காரின் சாரதி காரை நிறுத்தாமல் சென்றதாகவும் கூறப்படுகிறது.
அதைத் தொடர்ந்து, பொலிசார் அந்தக் காரை ஓட்டிய சாரதியை சுட்டுக்கொன்றுள்ளனர். அந்த சாரதியின் பெயர் Nahel (17), அவர் அல்ஜீரியா மற்றும் மொராக்கோ பின்னணிகொண்டவர் என தெரியவந்துள்ளது.
அந்த இளைஞர் சுட்டுக்கொல்லப்பட்டதைத் தொடர்ந்து வெடித்த கலவரம் தொடர்பாக பாரீஸில் பலர் கைது செய்யப்பட்டுள்ளனர். நாடு முழுவதும் ஆயிரக்கணக்கான பொலிசார் குவிக்கப்பட்டுள்ளனர்.
கனேடியர்களுக்கு விடுக்கப்பட்டுள்ள எச்சரிக்கை
பிரான்சில் வெடித்துள்ள கலவரம் தொடர்பாக பிரான்ஸ் செல்லும் கனேடியர்களுக்கு கனடா பயண ஆலோசனை ஒன்றை வெளியிட்டுள்ளது.
2023, ஜூன் 27 முதல், பிரான்சில் பொலிஸ் வன்முறைக்கு எதிராக போராட்டங்கள் நடைபெற்றுவருகின்றன.
மேலும் நாடு முழுவதும், பல நகரங்களில் பேரணிகளுக்கு திட்டமிடப்பட்டுவருகிறது. இதனால், போக்குவரத்து மற்றும் பொது சேவைகளுக்கு பெரும் இடையூறு ஏற்பட்டுள்ளது.
அதனால், சூறையாடல், தீவைப்பு மற்றும் பொலிசாருக்கும் போராட்டக்காரர்களுக்குமிடையிலான வன்முறைகள் ஆகியவை நிகழ்ந்துவருகின்றன என்கிறது கனடா வெளியிட்டுள்ள அறிக்கை.
ஆகவே, பிரான்சுக்கு செல்லும் கனேடியர்கள் மிகவும் கவனமாக இருக்குமாறும், ஏற்கனவே பிரான்சிலிருக்கும் கனேடியர்கள் உள்ளூர் ஊடகங்கள் உதவியுடன், நடக்கும் விடயங்கள் குறித்து அவ்வப்போது தெரிந்துவைத்துக்கொள்ளுமாறும், உள்ளூர் அதிகாரிகளின் அறிவுரையின்படி பயணத்திட்டங்களை செயல்படுத்துமாறும் கனடா அரசு கனேடியர்களை அறிவுறுத்தியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
