கனடா முழுவதும் தேடப்பட்டுவரும் 53 வயதான ஆடவர்., ஒன்ராறியோ பொலிஸார் வெளியிட்ட தகவல்

கனடாவில் 53 வயதான ஆடவருக்கு நாடு முழுவதும் பிடிவாரண்ட் வெளியிடப்பட்டுள்ளது.

ஒன்ராறியோவைச் சேர்ந்த 53 வயதான இவன் பெல்க்நாப் (Ivan Belknap) என்பவரை கைது செய்ய கனடா முழுவதும் பிடிவாரண்ட் வெளியிடப்பட்டுள்ளது என Ontario மாகாண பொலிஸார் (OPP) தெரிவித்துள்ளனர்.

ஐரோப்பிய ஆதிக்க சக்திகளுடன் அணுசக்தி திட்டம் குறித்து ஈரான் பேச்சுவார்த்தை

இவர் மீது துப்பாக்கியை கவனக்குறைவாக பயன்படுத்துதல் மற்றும் அனுமதி இல்லாமல் வைத்திருந்தது உள்ளிட்ட ஆயுத குற்றங்கள் மற்றும் தடையை மீறி ஆயுதம் வைத்திருந்தது ஆகிய குற்றச்சாட்டுகளில் இரண்டு ஆண்டுகள் சிறைத்தண்டனை விதிக்கப்பட்டுள்ளது.

ஆனால், பரோலில் வெளியே வந்த பின்னர் விதிகளை மீறியதால், இவரை மீண்டும் கைது செய்ய ROPE (Repeat Offender Parole Enforcement) குழு நடவடிக்கை எடுத்துள்ளது.

விவரங்கள்

பெல்க்நாப் 5 அடி 11 அங்குல உயரமும் 186 பவுண்ட் எடையுமுடையவராக இருக்கிறார்.

இவர் தலையில், இடது கையில் கோட்டைக்கோபுரம் மற்றும் பறவை, வலது கையில் போர்வீரர், படகு, வைக்கிங் மண்டைபட்டை உள்ளிட்ட பல tattoo-ளும், முதுகு மற்றும் மார்பில் மேலும் சில டாட்டூக்களும் உள்ளன.

இவர் கிங்ஸ்டன், ஸ்மித்ஸ் பால்ஸ் மற்றும் கார்லடன் பிளேஸ் பகுதிகளில் அடிக்கடி காணப்படுவதாக பொலிஸார் தெரிவித்துள்ளனர்.

WANTED: Ivan BELKNAP 53 y/o, 5’11”, 186 lbs. Known to frequent Kingston, Smith Falls and Carleton Place area. If you have any information, contact Crime Stoppers 1-800-222-8477, the Provincial ROPE Squad Main Office at 416-808-5900 or 1-866-870-7673, or 911. ^kk pic.twitter.com/wecUsGYBPG

— OPPCommunicationsER (@OPP_COMM_ER) November 26, 2024

தகவல் கொடுப்பவர்கள் தொடர்புக்கு:

பெல்க்நாப் பற்றிய தகவல்களுடன் இருப்பவர்கள் ROPE Squad முதன்மை அலுவலகத்தை416-808-5900 என்ற எண்ணில் தொடர்பு கொள்ளலாம் அல்லது Crime Stoppers எனும் அமைப்புக்கு 1-800-222-8477 என்ற எண்ணில் அழைத்து தகவல் வழங்கலாம்.

உக்ரைனின் அழிவுகாலத்தை தீர்மானித்த ரஷ்யா., தயார் நிலையில் RS-28 Sarmat சாத்தான் ஏவுகணை

Canada Ontario