லங்காசிறி FM
கனடாவில் உள்ள வீட்டில் கிடந்த ஆண் சடலம்! சிக்கிய 20 வயது இளம்பெண்
கனடாவில் வீடு ஒன்றில் ஆண் சடலம் கண்டெடுக்கப்பட்ட நிலையில் 20 வயது இளம்பெண் கைது செய்யப்பட்டுள்ளார். அவர் மீது இரண்டாம் நிலை கொலை வழக்குப்பதிவு செய்யப்பட்டுள்ளது.
வீட்டில் சடலம்
Saskatoon-ல் உள்ள வீட்டிற்கு பொலிசார் கடந்த வெள்ளிக்கிழமை மாலை 7.30 மணிக்கு அவசரமாக அழைக்கப்பட்டனர். அதிகாரிகள் அங்கு சென்று பார்த்த போது ஆண் ஒருவரின் சடலம் வீட்டில் கிடந்தது.
அவரின் பெயர் Adam Willett (37) என தெரியவந்துள்ளது. Adam மரணம் தொடர்பாக 20 வயது இளம்பெண் பொலிசார் விசாரணைக்கு அழைத்து செல்லப்பட்டார். இந்த நிலையில் அவர் மீது இன்று கொலை வழக்கு பதிவு செய்யப்பட்டுள்ளது.
Dan Zakreski/CBC
பொதுமக்களிடம் கோரிக்கை
தடயவியல் அடையாளப் பிரிவின் முக்கிய குற்றப் புலனாய்வாளர்கள் மற்றும் தொழில்நுட்ப வல்லுநர்கள் தொடர்ந்து விசாரணை நடத்தி வருகின்றனர். இந்த சம்பவம் தொடர்பில் பொதுமக்களுக்கு எந்தவொரு ஆபத்தும் இருப்பதாக நம்பவில்லை என பொலிசார் தெரிவித்துள்ளனர்.
மரணம் குறித்து தகவல் தெரிந்தவர்கள் காவல்துறையை தொடர்பு கொள்ளுமாறு கேட்டுக் கொள்ளப்படுகிறார்கள்.
