லங்காசிறி FM
வீடு பற்றாக்குறைக்காக வெளிநாட்டு மாணவர்கள் மீது கை வைக்க திட்டமிட்ட கனேடிய அமைச்சர்: அடித்தார் அந்தர் பல்டி
கனடாவில் வீடு பற்றாக்குறைக்கு வெளிநாட்டு மாணவர்களும் ஒரு காரணம் என்றும், ஆகவே, கனடாவுக்கு வரும் வெளிநாட்டு மாணவர்களின் எண்ணிக்கையைக் கட்டுப்படுத்தவேண்டும் என்றும் கூறிய கனடா அமைச்சர் ஒருவர் அந்தர் பல்டி அடித்துள்ளார்.
வீடு பற்றாக்குறைக்கு வெளிநாட்டு மாணவர்களும் ஒரு காரணம் என்று கூறிய அமைச்சர்
கனடாவில் சுமார் 800,000 சர்வதேச மாணவர்கள் வாழ்ந்துவருகிறார்கள். ஆக, அவர்களால் வீடு தட்டுப்பாடு நிலவுவதாக ஒரு கருத்து நிலவுகிறது.
சமீபத்திய தேர்தலில், ஆளும் ட்ரூடோவின் கட்சி பின்தங்கியதற்கு, வீடுகள் பற்றாக்குறை ஒரு முக்கிய காரணமாக பார்க்கப்படுகிறது.
ஆகவே, அதை சமாளிக்க அரசு திட்டமிட்டுவரும் நிலையில், கடந்த மாதம் வரை புலம்பெயர்தல் அமைச்சராக இருந்த Sean Fraser தற்போது உள்கட்டமைப்புத் துறைக்கு மாற்றப்பட்டுள்ளதைத் தொடர்ந்து, வீடுகள் பற்றாக்குறையை எதிர்கொள்ள திட்டமிட்டுவருகிறார் அவர். கனடாவில் நிலவும் வீடு பற்றாக்குறை பிரச்சினையை எதிர்கொள்வதற்காக சர்வதேச மாணவர்களின் என்ணிக்கையைக் கட்டுப்படுத்தப்போவதாக அறிவித்திருந்தார்.
வெளிநாட்டவர்களை எதிர்பார்க்கும் கனடா
ஆனால், நிதர்சனம் என்னவென்றால், கனடா மட்டுமல்ல, ஜேர்மனி முதலான பல நாடுகளின் பொருளாதாரத்தை உயர்த்த, வெளிநாட்டவர்கள் தேவைப்படுகிறார்கள். அதுவும் கோவிட் காலகட்டத்துக்குப் பிறகு பல்வேறு துறைகளில் பணியாளர்கள் தட்டுப்பாடு நிலவுகிறது.
உலகமெங்கும், பல நாடுகளில் வயதானவர்கள் எண்ணிக்கை அதிகரித்துக்கொண்டே செல்கிறது. பணி ஓய்வு பெறுகிறார்கள் பலர். ஆனால், அவர்கள் விட்டுச் சென்ற இடத்தை நிரப்புவதற்கு தகுதிபடைத்த இளைஞர்கள் இல்லை.
ஆக, பல நாடுகள் பணியிடங்களில் நிலவும் காலியிடங்களை நிரப்ப திணறிவருகின்றன. கனடாவும் அப்படித்தான்.
அந்தர் பல்டி அடித்த அமைச்சர்
Sean Fraser முன்பு புலம்பெயர்தல் அமைச்சராக இருந்தார். அப்போதெல்லாம், கனடாவுக்கு புலம்பெயர்வோரை வரவேற்பது குறித்தே பெருமையாக பேசிக்கொண்டிருந்தார்.
சர்வதேச மாணவர்கள் கனடாவுக்குத் தேவை என்றெல்லாம் பேசிக்கொண்டிருந்த Sean Fraser தற்போது உள்கட்டமைப்புத் துறைக்கு மாற்றப்பட்டுள்ளார். அதற்குப் பின் அவரது பேச்சே மாறிவிட்டது.
கனடாவில் வீடு பற்றாக்குறைக்கு வெளிநாட்டு மாணவர்களும் ஒரு காரணம் என்றும், ஆகவே, கனடாவுக்கு வரும் வெளிநாட்டு மாணவர்களின் எண்ணிக்கையைக் கட்டுப்படுத்தவேண்டும் என்றும் சமீபத்தில் கூறியிருந்தார் அவர்.
ஆனால், தற்போது அப்படியே அந்தர் பல்டி அடித்து, கனடாவுக்கு வெளிநாட்டு மாணவர்கள் அவசியம் என்று மீண்டும் கூறியுள்ளார் Sean Fraser.
அமைச்சரின் திடீர் மாற்றத்துக்கு என்ன காரணம் என்பது தெரியவில்லை!
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
