லங்காசிறி FM
பொருளாதார ரீதியாக சிரமப்படும் கனேடியர்கள்: ஆய்வில் தெரியவரும் அதிர்ச்சி தகவல்
கனடாவில் விலைவாசி உயர்வு காரணமாக மூன்றில் ஒருவர் பொருளாதார ரீதியாக சிரமப்படுவதாக ஆய்வில் தெரியவந்துள்ளது.
பொருளாதார சிரமங்கள்
இதுபோன்ற நிலை, கனடாவில் கொரோனா பெருந்தொற்றுக்கு பின்னர் ஏற்பட்டதாகவும் அந்த ஆய்வில் குறிப்பிடப்பட்டுள்ளது. சுமார் 1,600 கனேடியர்கள் தங்கள் அனுபவங்களை குறிப்பிடுகையில், 34 சதவீத கனேடியர்கள் மோசமான அல்லது பயங்கரமான பொருளாதார சிரமங்களை எதிர்கொள்வதாக குறிப்பிட்டுள்ளனர்.
கடந்த ஜூலை மாதத்தில் இருந்து 6 சதவீதம் அதிகரித்துள்ளது. 2020 ஏப்ரல் மாதம் முன்னெடுத்த கருத்துக்கணிப்பில், 27 சதவீத மக்கள் மோசமான அல்லது பயங்கரமான பொருளாதார சிரமங்களை எதிர்கொள்வதாக தெரிவித்திருந்தனர்.
அதாவது கொரோனா பரவலை கட்டுப்படுத்தும் நோக்கில் அரசாங்கம் ஊரடங்கு உள்ளிட்ட விதிகளை அமுலுக்கு கொண்டுவந்த பின்னர் நெருக்கடி ஏற்பட்டதாக மக்கள் குறிப்பிடுகின்றனர்.
இந்த நிலையில், பணவீக்கத்தை சமாளிக்க ஒரு வருடத்திற்குப் பிறகு, கனடா வங்கி மார்ச் மாதத்தில் அதன் முக்கிய வட்டி விகிதத்தை 4.5 சதவீதமாக வைத்திருந்தது. மேலும், ஆண்டு பணவீக்க விகிதம் அதிகமாக இருந்தாலும், தொடர்ந்து வீழ்ச்சியடைந்து, பிப்ரவரியில் 5.2 சதவீதத்தை எட்டியது.
பாதிக்கும் மேற்பட்டவர்கள்
இருப்பினும், உணவு பண்டங்களின் விலை உயர்வு 10% என உச்சத்தில் தொடர்ந்தது. இதனிடையே, கனேடியர்களில் பாதிக்கும் மேற்பட்டவர்கள் ஆண்டுக்கு $50,000க்கும் குறைவாக சம்பாதிக்கின்றனர் என புதிய ஆய்வில் தெரியவந்துள்ளது.
கனேடியர்களில் அறுபத்தேழு சதவீதம் பேர் வாழ்க்கைச் செலவு அதிகரித்து வருவதால் தங்களின் விருப்பச் செலவுகளைக் குறைத்ததாகவும், 40 சதவீதம் பேர் தாங்கள் சாதாரணமாகத் தொடாத கணக்குகளில் இருந்து பணத்தை எடுப்பதாகவும் கூறுகிறார்கள்.
முப்பத்தைந்து சதவீதம் பேர் தங்கள் பதிவுசெய்யப்பட்ட ஓய்வூதிய சேமிப்புத் திட்டங்கள் மற்றும் வரியில்லா சேமிப்புக் கணக்குகளுக்கான பங்களிப்புகளை தாமதம் செய்வதாகவும், 13 சதவீதம் பேர் குடும்பத்தினர் அல்லது நண்பர்களிடமிருந்து கடன் வாங்கியதாகக் கூறுகிறார்கள்.
மேலும், கனடியர்களில் நாற்பத்து மூன்று சதவீதம் பேர் வீடு, கார் அல்லது இது போன்ற பெரிய வாங்குதலை தாமதப்படுத்துவதாகவும் குறிப்பிடுகின்றனர்.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
