லங்காசிறி FM
சுவிஸ் நாட்டவரின் விசா ரத்து... வெளிநாடொன்றில் பெண் மருத்துவரின் குற்றச்சாட்டைத் தொடர்ந்து நடவடிக்கை
Balamanuvelan
in சுவிட்சர்லாந்து
தாய்லாந்தில் வாழ்ந்துவரும் சுவிஸ் நாட்டவர் ஒருவர், மருத்துவரான அந்நாட்டுப் பெண் ஒருவரைத் தாக்கியதாக குற்றம் சாட்டப்பட்டுள்ள நிலையில், அவரது விசா ரத்து செய்யப்பட்டுள்ளது.
சுவிஸ் நாட்டவர் மீது பெண் மருத்துவர் குற்றச்சாட்டு
சுவிஸ் நாட்டவரான Urs Fehr (45), Khanuengnit என்னும் தாய்லாந்து நாட்டவரான தனது மனைவியுடன், தாய்லாந்திலுள்ள Phuket நகரில் வாழ்ந்துவருகிறார். இவர், அந்நகரில் யானைகள் காப்பகம் ஒன்றை நடத்திவருகிறார்.
இந்நிலையில், கடந்த மாதம், அதாவது, பிப்ரவரி மாதம் 24ஆம் திகதி, Urs Fehr தன்னை தாக்கியதாக Tarndao Chandam (26) எனும் பெண் மருத்துவர் பொலிசில் புகாரளித்துள்ளார். அதற்கு ஆதாரமாக மருத்துவச் சான்றிதழையும் அவர் பொலிசில் சமர்ப்பித்துள்ளார்.
சுவிஸ் நாட்டவர் அளித்துள்ள விளக்கம்
இந்த வழக்கு விசாரணையின்போது, தான் தடுக்கி விழும்போது தன் கால் அந்தப் பெண் மருத்துவர் மீது பட்டுவிட்டதாக முதலில் கூறியிருந்த Urs Fehr, அவர் அந்தப் பெண்ணைத் தாக்கும் காட்சிகள் சமூக ஊடகத்தில் வெளியாகி பிரச்சினை பெரிதான பின், அந்தப் பெண்ணை வேறொருவர் என்று தவறாக நினைத்து தாக்கிவிட்டதாக தெரிவித்திருந்தார். Urs Fehrம் அவரது மனைவியும் அந்தப் பெண் மருத்துவரிடம் மன்னிப்புக் கோரியிருந்தார்கள்.
விசா ரத்து
இந்நிலையில், Urs Fehrஇன் விசாவை தாய்லாந்து ரத்து செய்துள்ளது. இந்த சம்பவம் குறித்த விசாரணையில், அந்தப் பெண் மருத்துவர் அமர்ந்திருந்த இடம் பொதுவான இடம் என்பது தெரியவந்ததுடன், அந்த இடத்தில் சட்டவிரோதமாக Urs Fehr படிக்கட்டுகள் அமைத்திருந்ததும் தெரியவந்தது.
வெளிநாட்டவர்கள் நம் நாட்டுக்கு வந்து பெருமளவிலான இடத்தை ஆக்கிரமித்துக்கொள்கிறார்கள் என உள்ளூர் ஊடகம் ஒன்று தெரிவித்துள்ள நிலையில், Urs Fehrஐ நாட்டை விட்டு வெளியேற்றவேண்டுமென கோரி, ஞாயிற்றுக்கிழமை, நூற்றுக்கணக்கான உள்ளூர் மக்கள் அவர் வீட்டின் முன் திரண்டு ஆர்ப்பாட்டத்தில் ஈடுபட்டார்கள்.
இதற்கிடையில், தாங்கள் Urs Fehrஐ கைது செய்ய இருப்பதாகத் தெரிவித்துள்ள புலம்பெயர்தல் அதிகாரிகள், வழக்கை எதிர்கொள்வதற்காக தற்போதைக்கு அவர் தாய்லாந்தில் தங்கியிருக்கலாம் என்றும் தெரிவித்துள்ளார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
