லங்காசிறி FM
கறி சுவையை மிஞ்சும் காலிஃபிளவர் மிளகு வறுவல்.., எப்படி செய்வது?
குழந்தைகள், பெரியவர்கள் என அனைவரும் இந்த காலிஃபிளவர் மிளகு வறுவலை விரும்பி உண்ணுவார்கள்.
இந்த காலிஃபிளவர் மிளகு வறுவல் கலவை சாதம் அனைத்திற்கும் அட்டகாசமாக இருக்கும்.
அந்தவகையில், கறி சுவையை மிஞ்சும் வகையில் காலிஃபிளவர் மிளகு வறுவல் எப்படி செய்வது என்று பார்க்கலாம்.
தேவையான பொருட்கள்
- காலிஃபிளவர்- 1
- கொத்தமல்லி விதை- 1 ஸ்பூன்
- மிளகு- 1 ஸ்பூன்
- சீரகம்- ½ ஸ்பூன்
- சோம்பு- ½ ஸ்பூன்
- காய்ந்த மிளகாய்- 3
- பட்டை- 1 துண்டு
- ஏலக்காய்- 2
- கிராம்பு- 3
- எண்ணெய்- 2 ஸ்பூன்
- கடுகு- 1 ஸ்பூன்
- பெருங்காயம்- ¼ ஸ்பூன்
- வெங்காயம்- 1
- கறிவேப்பிலை- 1 கொத்து
- பூண்டு- 4 பல்
- உப்பு- தேவையான அளவு
- கொத்தமல்லி இலை- சிறிதளவு
செய்முறை
முதலில் காலிஃபிளவரை சுடுதண்ணீரில் சேர்த்து 15 நிமிடம் மூடி போட்டு அப்படியே வைக்கவும்.
பின் அடுப்பில் ஒரு வாணல் வைத்து சூடானதும் அதில் கொத்தமல்லி, மிளகு, சீரகம், சோம்பு, மிளகாய், பட்டை, ஏலக்காய், கிராம்பு சேர்த்து வறுத்து பொடியாக அரைத்துக்கொள்ளவும்.
அடுத்து வாணலில் எண்ணெய் சேர்த்து சூடானதும் அதில் கடுகு, சீரகம், பெருங்காயம் சேர்த்து தாளித்து வெங்காயம் சேர்த்து வதக்கவும்.
இதற்கடுத்து இதில் கறிவேப்பிலை, இடித்த பூண்டு சேர்த்து வதக்கி அதில் காலிஃபிளவர், அரைத்த மசாலா, உப்பு, சிறிதளவு தண்ணீர் சேர்த்து வேகவைக்கவும்.
பின்னர் தண்ணீர் சுண்டி நன்கு கெட்டியாக வந்ததும் அதில் கொத்தமல்லி தூவி இறக்கினால் சுவையான காலிஃபிளவர் மிளகு வறுவல் தயார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
