கமலா ஹரிஸை பிள்ளையில்லா பெண் என விமர்சித்த பிரபலம்: மகள் பதிலடி

அமெரிக்க ஜனாதிபதி தேர்தலில் வேட்பாளராக போட்டியிடவிருக்கும் கமலா ஹரிஸை, பிள்ளையில்லா பூனைப்பெண் என விமர்சித்துள்ளார் பிரபலம் ஒருவர்.

அவருக்கு கமலாவின் மகள் தக்க பதிலடி கொடுத்ததைக் குறித்த செய்தி ஒன்று வெளியாகியுள்ளது.

பிள்ளையில்லா பூனைப்பெண்

கமலா ஹரிஸ் அமெரிக்க ஜனாதிபதி தேர்தலில் போட்டியிட இருக்கிறார் என்ற செய்தி வெளியானதிலிருந்தே, அவரது கடந்த காலம் குறித்த செய்திகள் பல மீண்டும் வெளியாகிவருகின்றன.

அவ்வகையில், 2021ஆம் ஆண்டு, ட்ரம்ப் ஆதரவாளரான JD Vance என்னும் அரசியல்வாதி, கமலாவை பிள்ளையில்லா பூனைப்பெண் என விமர்சித்திருந்ததைக் குறித்த செய்தி ஒன்று வெளியாகியுள்ளது.

குழந்தை பெற இயலாமல், செயற்கை கருவூட்டல் முறையிலாவது குழந்தை பெற்றுக்கொள்ள முயற்சி செய்துகொண்டிருந்த சில பிரபலங்கள் முதல், பலரும் JD Vanceஐ கடுமையாக விமர்சித்திருந்தார்கள்.

மகள் பதிலடி

இந்நிலையில், கமலா ஹரிஸின் மகளான Ella Emhoff, ட்ரம்ப் ஆதரவாளரான JD Vanceக்கு தக்க பதிலடி கொடுத்துள்ளார்.

ஆம், கமலா ஹரிஸ், Douglas Emhoff என்பவரைத் திருமணம் செய்தபோதே அவருக்கு முந்தைய மனைவியான Kerstin Emhoff மூலம் Cole மற்றும் Ella என்னும் இரண்டு பிள்ளைகள் இருந்தார்கள்.

அவர்களில் ஒருவரான Ellaதான் இப்போது கமலா ஹரிஸுக்கு ஆதரவாக குரல் கொடுத்துள்ளார்.

“How can you be ‘childless’ when you have cutie pie kids like Cole and I?” VP Harris’ stepdaughter Ella Emhoff wrote on Instagram after a 2021 interview with Sen. JD Vance resurfaced in which Vance referred to Harris as “childless.” https://t.co/eoIxfKURzV

— NBC News (@NBCNews) July 26, 2024

’என்னையும் Coleஐயும் போன்ற இரண்டு அழகான பிள்ளைகள் உங்களுக்கு இருக்கும்போது, நீங்கள் எப்படி குழந்தையில்லாதவராக இருக்கமுடியும்’ என கமலாவிடம் கேட்பதுபோல், தன் தாய்க்கு ஆதரவாக குரல் கொடுத்துள்ளார் Ella.

View this post on Instagram

A post shared by DUST MAGAZINE (@dustmagazine)

Ellaவும் அவரது சகோதாரரும், கமலாவை Momala என்று அழைப்பார்களாம். ஃபேஷன் மாணவியான Ella, ஒரு பெரிய நிகழ்ச்சியில் அணிந்து வந்த உடையால் ஒரே இரவில் பிரபலமாகி, பிரபல பத்திரிகை ஒன்றின் அட்டைப்படத்தை அலங்கரித்தவர் என்பது குறிப்பிடத்தக்கது.