லங்காசிறி FM
ஒரே போட்டியில் 7 விக்கெட் வீழ்த்தி வரலாற்று சாதனை படைத்த சமாரி அத்தப்பட்டு
சமாரி அத்தப்பட்டு ஒரே போட்டியில் 7 விக்கெட்கள் வீழ்த்தி 18 ஆண்டுகால சாதனையை முறியடித்துள்ளார்.
இலங்கை வெற்றி
2026 மகளிர் ஆசிய கிண்ண தொடரில் நேற்று நடைபெற்ற போட்டியில், இலங்கை மற்றும் இந்தோனேசியா அணிகள் மோதியது.
நாணய சுழற்சியில் வென்ற இந்தோனேசியா அணி முதலில் பந்துவீச்சை தேர்வு செய்தது.
இதன்படி, முதலில் துடுப்பாட்டம் ஆடிய இலங்கை அணி, 20 ஓவர்கள் முடிவில் 7 விக்கெட் இழப்பிற்கு 124 ஓட்டங்கள் குவித்தது.
இலங்கை தரப்பில் அதிகபட்சமாக நிலாக்சி டி சில்வா 50 ஓட்டங்கள் குவித்துள்ளார்.
125 ஓட்டங்கள் என்ற வெற்றி இலக்குடன் களமிறங்கிய இந்தோனேசியா, வெறும் 49 ஓட்டங்கள் மட்டுமே குவித்து ஆல் அவுட் ஆனது.
இதன் மூலம், இலங்கை மகளிர் அணி 75 ஓட்டங்கள் வித்தியாசத்தில் வெற்றி பெற்றது.
சமாரி அத்தப்பட்டு சாதனை
இலங்கை அணித்தலைவி சமாரி அத்தப்பட்டு 3.3 ஓவர்கள் வீசி 5 ஓட்டங்கள் மட்டுமே விட்டுக்கொடுத்து 7 விக்கெட்களை வீழ்த்தி அசத்தியுள்ளார்.
இதன் மூலம் ஆசிய கிண்ணத்தில் ஒரே போட்டியில் 7 விக்கெட் வீழ்த்திய முதல் நபர் என்ற பெருமையை சமாரி அத்தப்பட்டு படைத்துள்ளார்.
முன்னதாக 2008 ஆம் ஆண்டில், ஆசிய கிண்ணத்தில் பாகிஸ்தானின் ஜாவேரியா கான் வங்கதேசத்திற்கு எதிராக 6 விக்கெட்டுகளை வீழ்த்தியதே சாதனையாக இருந்தது.
18 ஆண்டுகால சாதனையை தற்போது சமாரி அத்தபட்டு முறியடித்துள்ளார்.
இதே போல், சர்வதேச டி20 கிரிக்கெட்டில் ஒரு போட்டியில் 7 விக்கெட்டுகளை வீழ்த்திய 2வது கேப்டன் என்ற பெருமையையும் சமாரி அத்தபட்டு பெற்றுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மலேசியா, Malaysia, தெல்லிப்பழை, Wembley, United Kingdom
09 Oct, 2026
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
புங்குடுதீவு 3ம் வட்டாரம், London, United Kingdom
13 Oct, 2024
கரவெட்டி மேற்கு, Lewisham, United Kingdom
12 Sep, 2003
