Champions League: கோல் மழை பொழிந்த Bayern Munich., சாதனையை முறியடித்த இங்கிலாந்து வீரர்

சாம்பியன்ஸ் லீக் போட்டியில் பாயர்ன் மியூனிக் (Bayern Munich) 9-2 என்ற கோல் கணக்கில் டினமோ ஜாக்ரெப் (Dinamo Zagreb) அணியை வீழ்த்தியது.

மேலும் இந்த போட்டியில் பாயர்ன் மியூனிக் வீரர் ஹாரி கேன் (Harry Kane) டினமோ ஜாக்ரெபுக்கு எதிராக 4 கோல்கள் அடித்து, இங்கிலாந்து வீரர் வேய்ன் ரூனியின் (Wayne Rooney) அதிக கோல்கள் சாதனையை முறியடித்துள்ளார்.

எல்லையில் புதிய ஹெலிகாப்டர் தளத்தை அமைத்த நாடு., இந்தியாவின் பாதுகாப்பிற்கு அச்சுறுத்தலா?

பாயர்ன் மியூனிக் 9-2 என ஜாக்ரெபை கண்ணிமைக்கும் நேரத்தில் தோற்கடித்து, புதிய பயிற்சியாளர் வின்சென்ட் காம்பனிக்கு சிறப்பான தொடக்கத்தை அளித்தது. இதன் மூலம் பல்வேறு சாதனைகள் முறியடிக்கப்பட்டன.

கேன் தனது சாம்பியன்ஸ் லீக் கோல்களை 33-ஆக அதிகரித்து, ரூனியின் 30 கோல்களின் சாதனையை முறியடித்தார். 

9 கோல்கள் அடித்த முதல் சாம்பியன்ஸ் லீக் அணி

19வது, 53வது, 73வது மற்றும் 78வது நிமிடங்களில் கேன் கோல்கள் அடித்தார். இதில் மூன்று கோல்கள் பெனால்டி கிக்காக இருந்தன.

கேன் தனது முதல் கோலை 19வது நிமிடத்தில் பெனால்டி கிக்கில் அடித்து, பாயர்னுக்கு முன்னிலை பெற்றார். பின்னர், 57வது நிமிடத்தில் இவான் நெவிஸ்டிக் தடுத்த கிம்மிச்சின் ஷாட்டுக்கு பிறகு கேன் தனது 31வது கோலை ரீபவுண்டில் அடித்தார்.

மற்ற மூன்று பாயர்ன் வீரர்கள் மற்றும் புதிய வீரர் மைக்கேல் ஒலிசே ஆகியோர் ஒவ்வொரு கோலையும் அடித்து, பாயர்னின் வெற்றியை உறுதிசெய்தனர். மேலும், லியோன் கோரெட்ச்காவின் ஹெடர் மூலம் பாயர்ன் 9 கோல்கள் அடித்த முதல் சாம்பியன்ஸ் லீக் அணி என்ற சாதனையை பதிவு செய்தது.

இதற்கு முன்னதாக 2016-ஆம் ஆண்டு போரூஷியா டார்ட்மண்ட் அணி 8-4 என்ற கோல் கணக்கில் லேஜியா வார்சாவை வீழ்த்தியது தான், சாம்பியன்ஸ் லீக் போட்டியில் ஏற்பட்ட அதிக கோல்கள் கொண்ட ஆட்டமாகும்.

ரஷ்ய ஆயுதக் கிடங்கு மீது ட்ரோன் தாக்குதல் நடத்திய உக்ரைன்

கேன், பாயர்னுக்காக கடந்த ஆண்டு 12 சாம்பியன்ஸ் லீக் கோல்களையும், முன்னதாக Tottenham அணி சார்பாக 21 கோல்களையும் அடித்துள்ளார். அவர் மொத்தம் 50 ஆட்டங்களில் 53 கோல்களை அடித்துள்ளார்.

அண்மையில், கேன் தனது 100வது சர்வதேச ஆட்டத்தில் பின்லாந்துக்கு எதிராக 2 கோல்களையும், Bundesliga-வில் Holstein Kiel அணியை எதிர்த்து ஹாட்ரிக் அடித்தார்.

மேலும், பாயர்னின் Thomas Müller 152வது சாம்பியன்ஸ் லீக் ஆட்டத்தில் பங்கேற்று, ஒரு கிளப்பிற்காக அதிக ஆட்டங்களில் பங்கேற்ற வீரராகவும் சாதனை படைத்தார்.

Bayern Munich, Bayern Munich Record, UEFA Champions League, Harry Kane record, Bayern Munich striker Harry Kane scored four goals against Dinamo Zagreb