லங்காசிறி FM
இந்தியர் ஒருவரை இனரீதியாக விமர்சித்ததாக பிரித்தானிய நாடாளுமன்ற உறுப்பினர் மீது குற்றச்சாட்டு
பிரித்தானிய நாடாளுமன்ற உறுப்பினர் ஒருவர், இந்தியர் ஒருவரை இனரீதியாக விமர்சித்ததாகவும், அவரது மனைவியை பைத்தியம் என்று கூறியதாகவும் குற்றச்சாட்டு முன்வைக்கப்பட்டுள்ளது.
கன்சர்வேட்டிவ் கட்சி நாடாளுமன்ற உறுப்பினரான Michelle Mone (50), ஒரு அரசியல்வாதி மட்டுமின்றி, ஒரு தொழிலதிபரும் கூட.
உள்ளாடை நிறுவனம் ஒன்றைத் துவங்கி வெற்றிகரமாக நடத்திவந்ததால், அவரை ’உள்ளாடை கோமகள்’ என்றே அழைக்கிறார்கள்.
இந்நிலையில், 2019ஆம் ஆண்டு இரண்டு படகுகள் மொனாக்கோ நாட்டுக்கு சுற்றுலா சென்றுள்ளன. அதில் ஒன்று Michelleக்கு சொந்தமானது. அப்போது Michelleஇன் படகு மீது, உடன் வந்த படகு மோதி விபத்துக்குள்ளாகியுள்ளது. அந்த விபத்தில் Michelleஇன் படகில் பயணித்த ஒருவர் உயிரிழந்துள்ளார்.
இதனால், விபத்தை ஏற்படுத்திய படகில் பயணித்த இந்தியர் ஒருவரை இனரீதியாக Michelle விமர்சித்துள்ளார். அவரை 'waste of a man's white skin' என்றும், அவரது மனைவியை பைத்தியம் என்றும் விமர்சித்துள்ளார் Michelle.
அதற்கான ஆதாரங்கள், அதாவது Michelle அந்த இந்தியருக்கு அனுப்பிய குறுஞ்செய்திகள் அவரிடம் உள்ளன.
தன்னை இனரீதியாக Michelle விமர்சித்ததாக அவர் குற்றச்சாட்டு முன்வைத்துள்ள நிலையில், தனக்கு அது குறித்து நினைவில்லை என Michelle தெரிவித்துள்ளார்.
அத்துடன், அந்த இந்தியர் பார்ப்பதற்கு முழுமையாக வெள்ளைக்காரர் போலவே இருப்பதாகவும், ஆகவே, அவர் இந்தியர் என்று கூட Michelleக்கு தெரியாது என்றும், Michelle இனவெறியர் அல்ல, ஆப்பிரிக்காவில் கருப்பினக் குழந்தைகளுக்கு அவர் மூன்று பள்ளிகள் கட்டிக்கொடுத்துள்ளார் என்றும் அவரது சட்டத்தரணிகள் தெரிவித்துள்ளார்கள்.
பருத்தித்துறை, London, United Kingdom
19 Oct, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
